July
20
/ 2024
গুৱাহাটী মহানগৰীত পুনৰ চাঞ্চল্যকৰ ডকাইতি কাণ্ড। মাতৃ-পুত্ৰৰ হাত-ভৰি বান্ধি ডকাইতৰ দলে চলালে লুটপাট। লুটি নিলে নগদ ৬০ হাজাৰ টকা, ৪ লাখ টকাৰ সোণৰ আ-অলংকাৰ। ইভা আইন কুল্লু নামৰ এগৰাকী মহিলাৰ ঘৰত সংঘটিত এই চাঞ্চল্যকৰ ডকাইতি কাণ্ড।
নুনমাটিৰ আনন্দনগৰত বৃহস্পতিবাৰে সংঘটিত হৈছিল এই ঘটনা। পাকঘৰৰ খিৰিকী ভাগি ঘৰত প্ৰৱেশ কৰিছিল ৬ জনীয়া ডকাইতৰ দলটোৱে। শোৱাপাটীতে মাতৃ-পুত্ৰক হাত-ভৰি বান্ধি ডকাইতৰ লুটপাত।
জানিব পৰা মতে, মাটি বিক্ৰী কৰি পৰিয়ালটোৱে জমা কৰিছিল ৮০ লাখ টকা। পৰিয়ালটোৰ পৰা ৮০ লাখ টকা লুট কৰাৰ লক্ষ্য ডকাইতৰ। ঘটনাস্থলীত চেণ্ডেল, চাবোল উদ্ধাৰ আৰক্ষীৰ।
