February
17
/ 2024
মহানগৰীৰ নিৰুদ্দেশ ঘটনাৰ চাঞ্চল্য মাৰ নৌ যাওঁতেই ৰাজ্যত পুনৰ দুগৰাকী ছাত্ৰী নিখোঁজ হোৱাৰ আন এক ঘটনা পোহৰ লৈ আহিছে। এইবাৰ নিখোঁজ হৈছে মৰিয়নীৰ দুগৰাকী ছাত্ৰী। সন্ধানহীন ছাত্ৰী দুগৰাকীৰ এগৰাকীৰ নাম অনুষ্কা কোচ আৰু আনগৰাকীৰ নাম গায়ত্ৰী চুতীয়া বুলি জানিব পৰা গৈছে। চলিত সপ্তাহৰ ভিতৰত দুটাকৈ নিৰুদ্দেশৰ ঘটনা সমগ্ৰ ৰাজ্যত তীব্ৰ চাঞ্চল্যৰ সৃষ্টি কৰিছে।
উল্লেখ্য যে, মৰিয়নীত নিৰুদ্দেশ হোৱা দুয়োগৰাকীৰ ভিতৰত গায়ত্ৰী চুতীয়া এইবাৰ হাইস্কুল শিক্ষান্ত পৰীক্ষাৰ পৰীক্ষাৰ্থী আছিল। আনহাতে, চলিত সপ্তাহৰ সোমবাৰৰ পৰা মৰিয়নীৰ নাগাজংকা কল্যাণপুৰৰ এই দুগৰাকী নাবালিকা সন্ধানহীন হৈ আছে।
