Golaghat

গোলাঘাট আৰক্ষীৰ লজ্জাজনক ঘটনা! দুই আৰক্ষীৰ মাজত প্ৰচণ্ড মাৰপিট। গোলাঘাটৰ ঘিলাধাৰী আৰক্ষী থানাৰ ভাৰপ্ৰাপ্ত বিষয়াজনে সুৰাৰ ৰাগীত মাতাল হৈ গুৰুলা গুৰুলকৈ প্ৰহাৰ কৰে থানা খনৰে গৃহৰক্ষী বিভাগৰ গাড়ী চালক জনক। ফলত গুৰুতৰভাৱে আঘাটপ্ৰাপ্ত হৈ চিকিৎসাধীন হ’ব লগাত পৰিছে পাপু সোনোৱাল নামৰ গাড়ী চালকজন।

মঙ্গলবাৰে নিশা শ্ৰী শ্ৰী আঠখেলীয়া নামঘৰৰ সন্মুখত কৰ্তব্যৰত অৱস্থাত সুৰাৰ ৰাগীত মাতাল হৈ এচএচবি জোৱানৰ সৈতে অকাৰণতে কাজিয়াত লিপ্ত হয় ঘিলাধাৰী আৰক্ষী থানাৰ ভাৰপ্ৰাপ্ত বিষয়া ৰাজেশ্বৰ গগৈয়ে।কাজিয়া ভয়ংকৰ হোৱাৰ উমান পায় আৰক্ষী থানাৰ চালকজনে ভাৰপ্ৰাপ্ত বিষয়াজনক বুজনি দিয়াৰ চেষ্টা চলায়।