December
15
/ 2023
যোৰহাটত সেনা ছাউনিৰ সমীপত বিস্ফোৰণৰ ঘটনা সংঘটিত হৈছে। চহৰখনৰ লিচুবাৰী মিলিটেৰী ষ্টেচনৰ সন্মুখত এই ঘটনাটো সংঘটিত হয়। বৃহস্পতিবাৰে নিশা প্ৰায় ৭ বাজি ২০ মিনিটত বিস্ফোৰণৰ ঘটনা সংঘটিত হয়। বিস্ফোৰণক লৈ যোৰহাটত চাঞ্চল্যকৰ পৰিৱেশৰ সৃষ্টি হয়।
উল্লেখ্য যে, এই বিস্ফোৰণত সেনা ছাউনীৰ পকীবেৰাৰ ভিতৰফালে থকা এটা ডাষ্টবিন চুচুৰ্মৈ হৈ পৰে। বিস্ফোৰণ সংঘটিত হোৱা স্থানৰ দুয়োদিশে প্ৰায় ১-২ কিলোমিটাৰ ব্যাৱধানত দুঠাইত সেনাই তালাচী চলাই আছিল বুলি জানিব পৰাী গৈছে। এই ঘটনাৰ পিছত যোৰহাট SP ঘটনাস্থলীত গৈ দীৰ্ঘসময় ধৰি সমগ্ৰ ঘটনা পৰ্যবেক্ষণ কৰে।
