February
09
/ 2024
উত্তৰাখণ্ডত মাদ্ৰাছা-মছজিদৰ ওপৰত বুলড’জাৰ চলোৱাক লৈ হিংসাত্মক পৰিস্থিতিৰ সৃষ্টি হয়। বৃহস্পতিবাৰে উত্তৰাখণ্ডৰ নৈনিতাল জিলাৰ হালদ্ৱানীৰ বনভুলপুৰা অঞ্চলত থকা মাদ্ৰাছা আৰু মছজিদ সমূহ পৌৰ নিগমৰ দলে ভাঙি পেলায়। ইয়াৰ পিছতেই অঞ্চলটোত হিংসাত্মক পৰিস্থিতিৰ সৃষ্টি হয়।
এই হিংসাত্মক ঘটনাত ৪ জন লোকৰ মৃত্যু হোৱাৰ লগতে ২৫০ৰো অধিক লোক আহত হোৱা বুলি জানিব পৰা গৈছে। আহতসকলৰ বৰ্তমান চিকিৎসা চলি আছে।
উল্লেখ্য যে, হিংসাত্মক পৰিস্থিতি নিয়ন্ত্ৰণ কৰা হেতুকে অঞ্চলটোত সান্ধ্য আইন জাৰি কৰাৰ লগতে ইন্টাৰনেট সেৱা কৰ্তন আৰু ৰাজ্যৰ বিদ্যালয় সমূহো বন্ধ কৰি ৰখা হৈছে।