নিজৰ ছ'চিয়েল মিডিয়া একাউণ্টযোগে দীপিকাৰ ফটো শ্বেয়াৰ কৰিলে শ্বাহৰুখ খানে। আপুনিও চালেনে ফটো কেইখন!

নিজৰ ছ'চিয়েল মিডিয়া একাউণ্টযোগে দীপিকাৰ ফটো শ্বেয়াৰ কৰিলে শ্বাহৰুখ খানে। ‘মষ্ট গ্লেমাৰাছ’ হিচাপে সকলোৰে আগত দীপিকাক চিনাকি কৰাই দিলে শ্বাহৰুখ খানে। পাঠানৰ প্ৰথমটো গীত ২০২২ চনৰ ১২ ডিচেম্বৰত মুক্তি পাবলৈ সাজু হৈছে।প্ৰতিশ্ৰুতি অনুসৰি নিৰ্মাতাসকলে দীপিকা পাডুকনৰ সৈতে বেশৰাম ৰং নামৰ ট্ৰেকটো মুকলি কৰিব। ৯ ডিচেম্বৰত শ্বাহৰুখ খানে ট্ৰেকটোৰ পৰা দীপিকাৰ ফাৰ্ষ্ট লুক পোষ্টাৰ উন্মোচন কৰে। আৰু তাৰপাছতে অনুৰাগীসকলৰ মাজত সৃষ্টি হয় তীব্ৰ চৰ্চাৰ। আনহাতে সকলোৰে উত্তেজনা বৃদ্ধি কৰিবলৈ আজি পুনৰ শ্বাহৰুখে বেছাৰাম ৰংৰ দীপিকাৰ আন এক গ্লেমাৰাছ লুক শ্বেয়াৰ কৰে। টুইটাৰযোগে এই ফটো শ্বেয়াৰ কৰি তেওঁ কেপচনত লিখে, ‘তাই সকলোতকৈ গ্লেমাৰাছ!’। লগতে শ্বাহৰুখে শ্বেয়াৰ কৰে ইউটিউব লিংকো। বলীউডৰ কলা-কুশলী সকলেও অভিনন্দন জনায় মুক্তি লাভ কৰিবলগীয়া পাঠান ছবিখনৰ #BesharamRang গীতটিলৈ।

উল্লেখ্য যে, অহা ১২ ডিচেম্বৰ ২০২২ তাৰিখে দিনৰ ১১বজাত ইউটিউবত মুক্তি পাব পাঠান ছবিখনৰ #BesharamRang গীতটি। আৰু ছবিখন অহা ২৫ জানুৱাৰী, ২০২৩ তাৰিখে ছবিগৃহত মুক্তি পাব। ছবিখন হিন্দী, তামিল আৰু তেলেগু এই তিনি ভাষাত মুক্তি পাব। ইফালে, পৰিচালক সিদ্ধাৰ্থ আনন্দে পূৰ্বে নিশ্চিত কৰিছিল যে পাঠানৰ সংগীত ডিচেম্বৰত মুক্তি পাব। "পাঠানৰ দুটা দৰ্শনীয় গীত আছে, আৰু সৌভাগ্যক্ৰমে দুয়োটা ইমানেই অবিশ্বাস্য যে বছৰৰ সম্ভাৱ্য চাৰ্টবাষ্টাৰ গীত। সেয়েহে আমি ছবিখন মুক্তিৰ পূৰ্বে মানুহক গীতবোৰ উপভোগ কৰিবলৈ যথেষ্ট সময় দিয়াৰ সিদ্ধান্ত লৈছো। ডিচেম্বৰ মাহত পাৰ্টি আৰু বন্ধৰ দিন। ছিজনটো সমগ্ৰ বিশ্বৰ লোকসকলৰ বাবে, গতিকে আমি ছবিখনৰ গীতসমূহ থিয়েটাৰ ট্ৰেইলাৰৰ পূৰ্বে মুকলি কৰিম।’