অষ্ট্ৰেলিয়াৰ বিৰুদ্ধে টি–২০ শৃংখলাৰ প্ৰথমখন মেচত ২ উইকেটত জয়লাভ ভাৰতৰ

অষ্ট্ৰেলিয়াৰ বিৰুদ্ধে টি–২০ শৃংখলাৰ প্ৰথমখন মেচত ২ উইকেটত জয়লাভ কৰিলে ভাৰতে। বিশাখাপট্টনমৰ এচিএ ভিডিচিএ ক্ৰিকেট ষ্টেডিয়ামত সূৰ্যকুমাৰ যাদৱ আৰু ঈশান কিষাণৰ মাৰমুখী বেটিঙেৰে নিৰ্ধাৰিত লক্ষ্যত উপনীত হ’বলৈ সক্ষম হ’ল টীম ভাৰত। প্ৰথমে বেটিং কৰি ষ্টিভ স্মিথৰ ৪১টা বলত ৫২ ৰান আৰু জজ ইংলিছৰ ৫০টা বলত ১১০ ৰানৰ চমকপ্ৰদ ইনিংছৰ সহায়ত অষ্ট্ৰেলিয়াই ২০৯ ৰানৰ বিশাল লক্ষ্য  ভাৰতক বান্ধি দিয়ে। প্ৰত্যুত্তৰত সূৰ্যকুমাৰ যাদৱৰ ৪২টা বলত ৮০ ৰান আৰু ঈশাণ কিষাণৰ ৩৯টা বলত ৫৮ ৰানৰ সহায়ত ভাৰতে ২ উইকেট হাতত থকা অৱস্থাত ১৯.৫ অভাৰত নিৰ্ধাৰিত লক্ষ্যত উপনীত হয়। ৰিংকু সিঙে ১৪টা বলত ২২ ৰানৰ এক গুৰুত্বপূৰ্ণ ইনিছং খেলে। শৃংখলাৰ পৰৱৰ্তী খেল তিৰুৱন্তপুৰমৰ গ্ৰীন ফিল্ড ইণ্টাৰনেচনেল ষ্টেডিয়ামত ২৬ নৱেম্বৰত অনুষ্ঠিত হ’ব।