November
11
/ 2022
বলীউডত চলিছে বিয়াৰ বতৰ। বলীউডৰ চৰ্চিত যুঁটি মালাইকা অৰোৰা আৰু অৰ্জুন কাপুৰৰো শীঘ্ৰেই হ'ব পাৰে বিয়া। কাৰণ মালাইকা অৰোৰাৰ ইনষ্টাগ্ৰাম পোষ্টে এই কথাৰে ইংগিত দিছে ।মালাইকাই নিজৰ ইনষ্টাগ্ৰাম একাউণ্টত নিজৰ এখন ফটো শ্বেয়াৰ কৰি লিখিছে, I said YES (মই হা বুলি ক'লো)। এই কেপচনৰ লগত তেওঁ তিনিটা লাভ ইমজীও দিছে। অৰ্থাৎ ইয়াৰ পৰা স্পষ্ট যে মালাইকাই অৰ্জুনক বিয়াৰ বাবে ‘হা’ বুলি কৈছে। এই ফটোখনত মালাইকাক ক’লা সাজ পিন্ধি লাজুকীয়া প’জ দিয়া দেখা গৈছে। এই পোষ্টটোৰ পিছত অনুৰাগীসকলেও এটা কথা জানিবলৈ ব্যগ্ৰ হৈ পৰিছে যে এই দম্পতীৰ বিবাহৰ তাৰিখ কেতিয়া? একাংশ অনুৰাগীয়ে মালাইকাৰ এই পোষ্টটোকলৈ অভিনন্দন জনাইছে।