May
24
/ 2022
সোমবাৰে বিয়লি সংঘটিত এক হৃদয় বিদাৰক ঘটনাই সমগ্ৰ অঞ্চলটোক জোকাৰি গৈছে।
বকতা বৰপিয়াল হাবি গাঁৱত অঘটন। জানিব পৰা মতে, গাঁওখনৰ বাসিন্দা ধীৰেণ ফুকন আৰু প্ৰবৃতি ফুকনৰ কনিষ্ঠা কন্যা তথা নাজিৰাৰ স্বৰাজ একাডেমীৰ উচ্চতৰ মাধ্যমিকৰ চূড়ান্ত পৰীক্ষাৰ্থী কৃষ্ণাক্ষী ফুকনে লগৰ আন দুগৰাকী বান্ধৱীৰে সৈতে গাঁৱৰ মাজৰ পথাৰত থকা এটা দ পুখুৰীৰ পাৰত ঠিয় হৈ চেলফী মাৰিবলৈ লওঁতে অকস্মাতে ভৰি পিছলি গৈ তিনিও গৰাকী পুখুৰীত পৰি যায়। ইয়াৰে দুগৰাকী পাৰলৈ উঠি আহিবলৈ সক্ষম হয় যদিও কৃষ্ণাক্ষী গভীৰ পানীত ডুব যায়।