পাকিস্তানৰ কৰাচী বিশ্ববিদ্যালয়ত ভয়ংকৰ বিস্ফোৰণ, ৪ জনৰ মৃত্যু!

মঙলবাৰে কৰাচী বিশ্ববিদ্যালয়ৰ চৌহদৰ ভিতৰত হোৱা বিস্ফোৰণে সমগ্ৰ দেশখনকে জোকাৰি গৈছে।

পাকিস্তানৰ সংবাদ মাধ্যমত প্ৰকাশিত প্ৰাৰম্ভিক বাতৰি অনুসৰি, দেশৰ সৰ্ববৃহৎ চহৰ কৰাচীত সংঘটিত এই ঘটনাত কেইবাজনো লোক হতাহত হোৱাৰ আশংকা কৰা হৈছে।

বৰ্তমান গাড়ী বিস্ফোৰণ যেন লাগিছে যদিও তাত উদ্ধাৰ অভিযান চলি আছে। উদ্ধাৰকাৰী সূত্ৰৰ উদ্ধৃতি দি জিঅ'টিভিয়ে জনোৱা অনুসৰি কমেও ৪ জন লোকৰ মৃত্যু হৈছে আৰু কেইবাজনো লোক আহত হৈছে।

প্ৰাণ হেৰুওৱা চাৰিজন লোকৰ মাজৰ দুজন বিদেশী নাগৰিক বুলি কোৱা হয়। বিস্ফোৰণটো বিশ্ববিদ্যালয়ৰ ভিতৰত থকা কনফুচিয়াছ ইনষ্টিটিউটৰ ওচৰত সংঘটিত হৈছিল, যিহৈছে চীনৰ অনুদানপ্ৰাপ্ত শৈক্ষিক কেন্দ্ৰ।

আৰক্ষীৰ সূত্ৰৰ উদ্ধৃতি দিয়া প্ৰতিবেদন অনুসৰি, বিস্ফোৰণটো এটা ভানত সংঘটিত হৈছিল য'ত প্ৰায় ৭-৮জন লোক আছিল।

প্ৰথমতে খবৰ পোৱা গৈছিল যে বিস্ফোৰণৰ কাৰণ আছিল এটা গেছ চিলিণ্ডাৰ। কিন্তু আৰক্ষীয়ে ইয়াক নিশ্চিত বা অস্বীকাৰ কৰা নাই, ঘটনাটোৰ সঠিক হতাহতৰ সংখ্যা এতিয়ালৈকে নিশ্চিত হোৱা নাই।