মহাকুম্ভমেলাত অঘটন! পদপিষ্ট হৈ মৃত্যু ১০ গৰাকীকৈ ভক্তৰ....

উত্তৰ প্ৰদেশৰ প্ৰয়াগৰাজৰ মহাকুম্ভ মেলাত অঘটন সংঘটিত হৈছে। ইতিমধ্যে পদপিষ্ট হৈ মৃত্যু ১০ জনকৈ ভক্ত মৃত্যু হোৱাৰ খবৰ আহি পৰিছে। আনহাতে পদপিষ্ট ঘটনাত ৩০ জনৰো অধিক ভক্ত আহত হৈছে। 

আহতসকলক ততাতৈয়াকৈ চিকিৎসালয়লৈ প্ৰেৰণ কৰা হয়। আহতসকলৰ ভিতৰত শিশু আৰু মহিলাও আছে বুলি জানিব পৰা গৈছে। আনফালে হাস্পতালত জীৱন-মৃত্যুৰে যুঁজিছে বহুজনে।

উল্লেখ্য যে, পুৱতি নিশা প্ৰায় ২ বজাত সংঘটিত হয় এই পদপিষ্টৰ ঘটনা। ত্ৰিবেণী সংগমৰ বেৰিকেড ভাঙি স্নান কৰিবলৈ আগবাঢ়িছিল অজস্ৰ ভক্ত। আৰু সেই সময়তে ভক্তৰ ভিৰ আৰু দৌৰা দৌৰিৰ ফলতে এই পদপিষ্টৰ ঘটনা সংঘটিত হয়।

ত্ৰিবেণী সংগমত অচল হৈ পৰিছে বহু মহিলা। মৌনী অমাৱস্যাত স্নান কৰিবলৈ সমৱেত হৈছিল বহুলোক। শোকাৱহ ঘটনাৰ পিছতে বাতিল কৰা হৈছে অমৃত স্নান।