আপোনাৰ ছাইনাছ আছে নেকি? যদি আছে, তেন্তে আমি আপোনালোকক জনাম নিমিষতে সকাহ পাবলৈ ঘৰুৱা কিছু প্ৰতিকাৰৰ বিষয়ে........

বৰ্তমান সময়ত বায়ু প্ৰদূৰ্ষণ বাবে ছাইনাছ ৰোগীৰ সংখ্যা বৃদ্ধি পাবলৈ ধৰিছে। ছাইনাছ হৈছে নাকৰ সৈতে সম্পৰ্কিত এবিধ ৰোগ, যি এলাৰ্জি, বেক্টেৰিয়াৰ সংক্ৰমণ বা চৰ্দিৰ ফলত হয়। 

এই সমস্যাটো সাধাৰণতে গ্ৰীষ্মকালত ঠাণ্ডা বস্তু খোৱাৰ সময়ত হয়। এই সংক্ৰমণৰ ফলত মূৰত তীব্ৰ বিষ হয়। যদিহে এই ৰোগবিধৰ সময়মতে চিকিৎসা কৰা নহয়, ই হাঁপানিৰ দৰে গুৰুতৰ ৰোগৰো সৃষ্টি কৰিব পাৰে। 

আজি ছাইনাছৰ ঘৰুৱা প্ৰতিকাৰৰ বিষয়ে জানো আহক-

ছাইনাছৰ লক্ষণসমূহ হৈছে - 

মূৰৰ বিষ, জ্বৰ, নাকৰে পানী ওলোৱা, কফ ওলোৱা, কাঁহ, দাঁতৰ বিষ, মুখ ফুলা, একো গোন্ধ নোপোৱা, ছাইনাছৰ ঠাইত টিপিলে বিষ হোৱা।

ছাইনাছ হোৱাৰ কাৰণসমূহ -

বেক্টেৰিয়া, ভেঁকুৰৰ সংক্ৰমণ, নাকৰ হাড় বেঁকা হোৱা আদি। 

এতিয়া জানো আহক ছাইনাছৰ ঘৰুৱা প্ৰতিকাৰৰ বিষয়ে - 

আদা - 

ছাইনাছৰ সমস্যা আঁতৰ কৰাত আদা যথেষ্ট সহায়ক। আদাৰ বহুতো বিষ উপশমকাৰী, এণ্টিপাইৰেটিক, পাচন আৰু নিঃসৰণ বৃদ্ধিকাৰী গুণাগুণ আছে। ইয়াৰ উপৰিও আদায়ে কফ দূৰ কৰাতো সহায় কৰে।  এগিলাচ পানীত ২-৩ টুকুৰা আদা উতলাওঁক।ভালদৰে উতলাৰ পাছত এই পানী ফিল্টাৰ কৰক আৰু খাওঁক। আপুনি বহু সকাহ পাব।

তুলসী -

তুলসী আয়ুৰ্বেদিক গুণাগুণ সমৃদ্ধ। তুলসীৰ ডাঠ শ্লেষ্মা আঁতৰোৱা, কফ নিষ্কাশনকাৰী আৰু এণ্টিমাইক্ৰোবাইল গুণাগুণ থাকে। তুলসীয়ে শৰীৰৰ পৰা কফ আঁতৰাই হাঁপানি, এলাৰ্জি আৰু ছাইনাছ ৰোগ নিৰাময় কৰে। শ্বাসনলীৰ সৈতে সম্পৰ্কিত সমস্যাবোৰ দূৰ কৰাৰ ক্ষেত্ৰটো তুলসী যথেষ্ট উপকাৰী। এগিলাচ পানীত তুলসীৰ পাত, জালুক, আদা আৰু মিচিৰি মিহলি কৰি ইয়াক ভালদৰে উতলিবলৈ দিব। ইয়াৰ পিছত পানীখিনি ফিল্টাৰ কৰক আৰু খাওঁক। এনে কৰাৰ দ্বাৰা ছাইনাছ ৰোগীসকলে খুব সোনকালে সকাহ পাব।

ঘিউ -

ঘিউ স্বাস্থ্যৰ বাবে অতি উপকাৰী। ই শৰীৰটোক এলাৰ্জিৰ পৰা সুৰক্ষিত কৰে।সেয়েহে, ছাইনাছৰ লক্ষণবোৰ হ্ৰাস কৰিবলৈ আপুনি আপোনাৰ খাদ্য তালিকাত ঘিউ অন্তৰ্ভূক্ত কৰিব পাৰে।

জালুক -

জালুক কাহ সম্পৰ্কীয় সমস্যাবোৰ উপশম কৰাত সহায়ক হয়। জালুকৰ এণ্টি-বেক্টেৰিয়া আৰু এণ্টি-ইনফ্লেমেটৰী গুণাগুণ আছে, যি সংক্ৰমণৰ পৰা সুৰক্ষা দিয়াত যথেষ্ট সহায়ক। জালুক খাই ডিঙিত জমা হোৱা কফ সহজে আঁতৰ কৰিব পাৰি। আপুনি যিকোনো চুপত জালুকৰ গুৰি মিহলি কৰি খাব পাৰে। যদি আপুনি বিচাৰে চাহতো দি খাব পাৰে। জালুকে ছাইনাছৰ বাবে হোৱা প্ৰদাহ হ্ৰাস কৰে।