আপেলক কেন্দ্ৰ কৰি প্ৰচণ্ড মাৰপিট! মাৰপিটত গুৰুতৰভাৱে আহত ৪ ছাত্ৰ....

বোকাখাতত চাঞ্চল্যকৰ ঘটনা
কুৰুক্ষেত্ৰলৈ পৰিণত গুৰুজনাৰ তিথি উদযাপনস্থলী
ৰজাবাৰী উচ্চতৰ মাধ্যমিক বিদ্যালয়ত অঘটন
এটা আপেলক কেন্দ্ৰ কৰি প্ৰচণ্ড মাৰপিট
মাৰপিটত গুৰুতৰভাৱে আহত ৪ ছাত্ৰ
শিল, ইটা, হাতুৰী, চেইন লৈ মাৰপিটত লিপ্ত ছাত্ৰ
কমলা মিৰি অসামৰিক চিকিৎসালয়ত ভৰ্তি আহতক

এইবাৰ গুৰুজনাৰ তিথি উদযাপন স্থলী পৰিণত হ'ল কুৰুক্ষেত্ৰলৈ। তিথি এৰি চিকিৎসালয়ত ভীৰ কৰিলেহি শিক্ষক অভিভাৱক আৰু আত্মীয়। বোকাখাতৰ ৰজাবাৰী উচ্চতৰ মাধ্যমিক বিদ্যালয়ত সংঘটিত হ'ল এই ঘটনা। ছাত্ৰ মাজত হোৱা কাজিয়াৰ ফলত আহত ৪ ছাত্ৰ। 

গুৰুজনাই দেখাই যোৱা আধ্যাত্মিক পৰম্পৰা আৰু একতাৰ নীতি জীয়াই ৰখাৰ উদ্দেশ্যে ৰজাবাৰী উচ্চতৰ মাধ্যমিক বিদ্যালয়ত উদযাপন কৰিছিল গুৰুজনাৰ তিথি। প্ৰসাদৰ বাবে আয়োজন কৰা এটা আপেলৰ বাবেই দুই ছাত্ৰৰ মাজত আৰম্ভ হয় কাজিয়া। সেই কাজিয়াই অৱশেষত দুটা দলত মাজত কুৰুক্ষেত্ৰলৈ ৰূপান্তৰ হয়।

শিল, ইটা, হাতুৰী,চেইন আদি লৈ দুটা ছাত্ৰ দলৰ মাজত লাগিল মাৰপিত। আহত হয় চাৰিজন ছাত্ৰ। আহত ছাত্ৰ কেইজনক বোকাখাত কমলা মিৰি অসামৰিক চিকিৎসালয়ত চিকিৎসা প্ৰদান কৰি থকা হৈছে।