December
11
/ 2021
বলিউডৰ ছবি নিৰ্মাতাসকল সমালোচনাৰ মাজলৈ অহাটো কোনো নতুন কথা নহয়। প্ৰায়ে ছবিৰ কাহিনী, চৰিত্ৰৰ বাবে সমালোচনাৰ মাজত সোমাই পৰে প্ৰযোজক, পৰিচালক অথবা অভিনেতা, কলা-কুশলী। পিছে এইবাৰ অন্য এক বিতৰ্কত সোমাই পৰিছে বলিউডৰ নতুন ছবি ’83’ৰ নিৰ্মাতাসকল।
১৯৮৩ চনৰ বিশ্বকাপত ভাৰতৰ বিজয়ৰ আধাৰত নিৰ্মিত, কবীৰ খানৰ দ্বাৰা পৰিচালিত ’83’ ছবিখনৰ নিৰ্মাতাৰ বিৰুদ্ধে ইতিমধ্যে ৰুজু হৈছে এক গোচৰ। এই অভিযোগত সাঙুৰ খাই পৰিছে অভিনেত্ৰী দীপিকা পাডুকনৰো নাম। উল্লেখ্য যে, দীপিকা ছবিখনৰ এজন অন্যতম প্ৰযোজক হোৱাৰ বাবেই এই অভিযোগত সাঙুৰ খাই পৰিছে অভিনেত্ৰীগৰাকীৰ নাম।