চকুৰ পলকতে শেষ হৈ গ'ল এটা পৰিয়াল! ডাম্পাৰৰ তলত সোমাল পিতৃসহ দুই কন্যা.....

ডবকাৰ জাব্ৰাখোৱাত সংঘটিত এক কৰুণ তথা ভয়ংকৰ পথ দুৰ্ঘটনা। ডাম্পাৰৰ তলত সোমাই যায় বাইক । দ্ৰুতবেগী ডাম্পাৰে মহতিয়াই নিলে একেটা পৰিয়ালৰে ৩ গৰাকী লোকক। চকুৰ পলকতে নিঃশেষ হৈ যায় পৰিয়ালটো । এই ভয়ংকৰ পথ দুৰ্ঘটনাটোত পিতৃসহ দুটি কণমানি কন্যা শিশুৰ কৰুণ মৃত্যু ।

উল্লেখ্য যে, বাইকত যাত্ৰা কৰি আছিল তিনিওগৰাকীয়ে। সেই সময়তে ডাম্পাৰৰ চকাৰ তলত সোমাই যায় বাইকখন । থিতাতে নিহত বাইক আৰোহী পিতৃসহ দুই কন্যা শিশু।

দেওবাৰে সন্ধিয়া ভাগত সংঘটিত হয় এই ভয়ংকৰ দুৰ্ঘটনাটো। ঘটনাস্থলীত উপস্থিত হৈ ডবকা আৰক্ষীয়ে উদ্ধাৰ কৰে মৃতদেহ । ডাম্পাৰ চালকে সুৰামত্ত অৱস্থাত সংঘটিত কৰে এই দুৰ্ঘটনা ।

দুৰ্ঘটনাত মৃত্যুবৰণ কৰা লোকজন কামপুৰৰ বকুল গুৰি বুলি জানিব পৰা গৈছে ৷ ইপিনে আৰক্ষীয়ে আটক কৰিছে দুৰ্ঘটনা সংঘটিত কৰা ডাম্পাৰ চালকজনক ।