আমেৰিকাত উজলিল অসমৰ হৰ্ষিতা!

আমেৰিকাত উজলিল অসমৰ হৰ্ষিতা। পানী পৰিশোধন প্ৰযুক্তি উদ্ভাৱনেৰে আন্তঃৰাষ্ট্ৰীয় পৰ্যায়ত খ্যাতি অৰ্জন পৰিৱেশ বিজ্ঞানী ড০ হৰ্ষিতা গগৈৰ।

জৈৱ ব্যৱস্থাপনাৰ জৰিয়তে কৰা এই পানী পৰিশোধন প্ৰযুক্তিৰ দ্বাৰা বৰ্জিত পানীত মিহলি হৈ থকা অতি বিষাক্ত পদাৰ্থ পৰিশোধন কৰিব পাৰিব। ড০ হৰ্ষিতা গগৈৰ এই নতুন প্ৰযুক্তিয়ে পানী পৰিশোধনৰ ক্ষেত্ৰত পৰিবৰ্তন আনিব বুলিও আশা কৰা হৈছে।

বিশ্বৰ অন্যতম সন্মানীয় পানী প্ৰযুক্তি প্ৰতিষ্ঠান ইভোকুয়া ৱাটাৰ টেকন’লজীছত এজন আৰ এণ্ড ডি ইঞ্জিনিয়াৰিং প্ৰকল্প মেনেজাৰ হিচাপে কৰ্মৰত ড০ হৰ্ষিতা গগৈৰ ঘৰ গুৱাহাটীত। তেখেতে ২০১৬ চনত ফিনলেণ্ডৰ অউলু বিশ্ববিদ্যালয়ৰ (Oulu University)পৰা পৰিৱেশ অভিযান্ত্ৰিক বিষয়ত স্নাতকোত্তৰ ডিগ্ৰী সম্পুৰ্ণ কৰে। সেই একেখন বিশ্ববিদ্যালয়ৰ পৰাই ২০২০ চনত হৰ্ষিতাই পিএইচডি ডিগ্ৰী লাভ কৰে।