কালিকা লগা ৰজাদুৱাৰ ঘাট! ব্ৰহ্মপুত্ৰৰ বুকুত সন্ধানহীন এটি শিশু, এজন যুৱক…

ব্ৰহ্মপুত্ৰত পুনৰ অঘটন। গুৱাহাটীৰ ৰজাদুৱাৰ ঘাটত ব্ৰহ্মপুত্ৰৰ বুকুত বিলীন হ’ল এটি ১২ বছৰীয়া শিশু। মঙলবাৰে, ব্ৰহ্মপুত্ৰৰ বুকুত সন্ধানহীন হয় ছাইদুল ইছলাম নামৰ শিশুটি। বুধবাৰে, পুৱাৰে পৰা SDRF, NDRF বাহিনীয়ে সন্ধান চলাই ব্ৰহ্মপুত্ৰৰ বুকুৰ পৰা মৃত অৱস্থাত উদ্ধাৰ কৰে কণমানিটিক।

মঙলবাৰে বিয়লি ৭ বাজি ১১ বজাত ব্ৰহ্মপুত্ৰৰ বুকুত সন্ধানহীন হৈছিল শিশুটি। আনহাতে, ৰজাদুৱাৰ ঘাটত সন্ধানহীন আন এজন যুৱক৷ সাঁতুৰি থকা অৱস্থাতে হঠাৎ ব্ৰহ্মপুত্ৰৰ বুকুত ডুব যায় যুৱকজন ৷ সেই ঘাটতে মঙলবাৰে, সন্ধানহীন হৈছিল ছাইদুল ইছলাম নামৰ কণমানিটি ৷ ছাইদুলক বিচাৰি উদ্ধাৰ অভিযান চলি থকাৰ সময়তে সন্ধানহীন হয় আন এজন যুৱক ৷