বিহু সমিতিসমূহলৈ মুখ্যমন্ত্ৰী হিমন্ত বিশ্ব শৰ্মাৰ এককালিন আৰ্থিক সাহায্য প্ৰদান..

অসম চৰকাৰে ৰাজ্যখনৰ ৩০ খন জিলাৰ ৰঙালী বিহু উদযাপন সমিতিক ১.৫ লাখ টকাৰ এককালীন বিত্তীয় সাহায্য আগবঢ়াইছে।

অসমৰ মুখ্যমন্ত্ৰী হিমন্ত বিশ্ব শৰ্মাই গুৱাহাটীৰ শ্ৰীমন্ত শংকৰদেৱ কলাক্ষেত্ৰত সাংস্কৃতিক পৰিক্ৰমা বিভাগৰ দ্বাৰা আয়োজিত এক অনুষ্ঠানত ৰঙালী বিহু উদযাপন সমিতিসমূহক এককালীন বিত্তীয় সাহায্য বিতৰণৰ আনুষ্ঠানিক শুভাৰম্ভ কৰে।

মুখ্যমন্ত্ৰীয়ে কামৰূপ (মেট্ৰ')ৰ ১৩৯ খন সমিতি আৰু কামৰূপ জিলাৰ ১৪২ টা সমিতিক প্ৰতিখন সমিতিত ১.৫ লাখ টকা বিতৰণ কৰে।  

মুঠতে ৩০ খন জিলাৰ ১,২৬৫ খন বিহু সমিতিক এই বিত্তীয় সাহায্য প্ৰদান কৰা হ'ব আৰু এই উদ্দেশ্যৰ বাবে সাংস্কৃতিক পৰিক্ৰমা বিভাগে ১৮.৯৭ কোটি টকা আৱণ্টন কৰিছে।

অনুষ্ঠানত ভাষণ প্ৰদান কৰি মুখ্যমন্ত্ৰী শৰ্মাই কয় যে ৰাজ্য চৰকাৰে ৰাজ্যখনৰ জনসাধাৰণৰ আৰ্থ-সামাজিক বিকাশৰ বাবে কাম কৰাৰ লগতে ৰাজ্যখনৰ সমৃদ্ধ সংস্কৃতিৰ প্ৰচাৰকৰাৰ দায়িত্ব বহন কৰিছে।