২ লাখ টকাৰ পুৰস্কাৰ ঘোষণা কৰা কাজিৰঙাৰ গঁড় চিকাৰীক কেৰালাত গ্ৰেপ্তাৰ

কাজিৰঙাৰ গঁড় চিকাৰীক কেৰালাত গ্ৰেপ্তাৰ।

গ্ৰেপ্তাৰ হ’ল আচমত আলী ওৰফে নালকো নামৰ চোৰাং ধৃত চিকাৰীটো। চোৰাং চিকাৰীটোৰ ঘৰ বিশ্বনাথৰ ১নং আদাভেটিৰ মিলনপুৰ গাঁৱত।

উল্লেখযোগ্য যে, কেৰালা আৰক্ষীৰ সহযোগত গ্ৰেপ্তাৰ কৰা হয় ধৃত আচমত আলীক। শেহতীয়াকৈ তিনি গঁড় চিকাৰীৰ সন্ধান দিলে প্ৰতিজনৰ বিপৰীতে অসম আৰক্ষীয়ে ছচিয়েল মিডিয়াত ২ লাখ টকাৰ পুৰস্কাৰ ঘোষণা কৰিছিল আৰু খড়্গসহ গঁড় চিকাৰীৰ সন্ধান দিওঁতালৈ ৫ লাখ টকাৰ পুৰস্কাৰ ঘোষণা কৰিছিল।

আচমত আলীক গ্ৰেপ্তাৰৰ কথা টুইটাৰযোগে সদৰি কৰিছে স্পেচিয়েল ডিজিপি জি পি সিঙে। তেওঁ আচমত আলীৰ ফটোসহ টুইটাৰত লিখে, ‘‘কাজিৰঙাত শেহতীয়াকৈ গঁড়ৰ চোৰাং চিকাৰৰ মূল আঁচনি প্ৰস্তুত আৰু কাৰ্য ৰূপ দিওতা এই কুখ্যাত অপৰাধী জনক কেৰেলাত গ্ৰেপ্তাৰ কৰা হ’ল। সহযোগিতাৰ এয়া অতি মহান নিদৰ্শন।’’

কাজিৰঙাত শেহতীয়াকৈ গঁড়ৰ চোৰাং চিকাৰৰ মূল আঁচনি প্ৰস্তুত আৰু কাৰ্য ৰূপ দিওতা এই কুখ্যাত অপৰাধী জনক কেৰেলাত গ্ৰেপ্তাৰ কৰা হল।।
সহযোগিতাৰ এয়া অতি মহান নিদৰ্শন @TheKeralaPolice pic.twitter.com/xA6uB3be3V

— GP Singh (@gpsinghips) February 17, 2022

বন মন্ত্ৰী পৰিমল শুক্লবৈদ্যয়ো আচমত আলীক গ্ৰেপ্তাৰৰ কথা ছচিয়েল মিডিয়াযোগে প্ৰকাশ কৰে।

The evil accused in the recent rhino poaching act in @kaziranga_ has been nabbed from Kerela last night. Kudos to @assampolice & gratitude towards the cooperation from Kerela Police.
Team Assam under HCM Dr.@himantabiswa’s guidance is committed to counter such crimes. pic.twitter.com/MFKRERz2um

— Parimal Suklabaidya (@ParimalSuklaba1) February 17, 2022