প্ৰৱল বৃষ্টিপাতৰ আগজাননী! অহা দুদিনত অসমত হ’ব নেৰানেপেৰা বৰষুণ

প্ৰৱল বৃষ্টিপাতৰ সন্মুখীন হ’ব অসমবাসী। আগন্তুক দুদিনত উত্তৰ-পূবত হ’ব নেৰানেপেৰা বৰষুণ।

ভাৰতীয় বতৰ বিজ্ঞানকেন্দ্ৰৰ তথ্য অনুসৰি অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাত অহা ১২ জানুৱাৰী আৰু ১৩ জানুৱাৰীত হ’ব বৰষুণ। আনকি আজিৰ পৰা ১৩ তাৰিখলৈকে চুবুৰীয়া ৰাজ্য অৰুণাচলত হ’ব তুষাৰপাত।

উল্লেখ্য যে, ঘূৰ্ণীবতাহ আৰু আৰৱ সাগৰ আৰু বংগোপসাগৰৰ বতাহৰ সঙ্গমৰ ফলত উত্তৰ পশ্চিম, মধ্য আৰু পূৱ ভাৰতৰ কিছু অংশত বতাহৰ সৃষ্টি হৈছে। ফলস্বৰূপে, ১১ জানুৱাৰীলৈকে পশ্চিম হিমালয় অঞ্চলত বৰষুণ আৰু তুষাৰপাত হোৱাৰ সম্ভাৱনা আছে।