নেপাল পালেহি অ'মিক্ৰন, নেপালত দুজন ব্যক্তিৰ দেহত ধৰা পৰিছে অ'মিক্ৰন।
স্বাস্থ্য আৰু জনসংখ্যা মন্ত্ৰালয়ৰ সহকাৰী মুখপাত্ৰ সমীৰ কুমাৰ অধিকাৰীয়ে কয় যে নেপালত বাস কৰা এজন বিদেশী আৰু বিদেশীৰ সংস্পৰ্শত থকা এজন নেপালীৰ পৃথিৱীখনক সন্ত্ৰাসিত কৰি থকা নতুন প্ৰকাৰৰ অ'মিক্ৰন ধৰা পৰিছে।
লগতে তেওঁ কয় যে দুয়োকে ইতিমধ্যে কোভিড-১৯ৰ প্ৰতিষেধক দিয়া হৈছিল।
অ'মিক্ৰনত ধৰা পৰা নেপালী নাগৰিকজন এজন ৭১বছৰীয়া আৰু বিদেশী জনৰ বয়স ৬৬ বছৰ। তেওঁ ত্ৰিভুৱন আন্তঃৰাষ্ট্ৰীয় বিমানবন্দৰৰ পৰা বিমানযোগে নেপালত প্ৰৱেশ কৰিছিল।
ইয়াৰ উপৰিও, নেপালী নাগৰিকজন বহুলোকৰ সংস্পৰ্শলৈ আহিছিল। অৱশেষত সংক্ৰমণৰ লক্ষণ দেখুৱাবলৈ আৰম্ভ কৰে আৰু পৰীক্ষা কৰায়, য'ত পৰীক্ষা পজিটিভ হয়।
মন্ত্ৰালয়ে কৈছে যে দুয়োজন ব্যক্তিৰ এতিয়া কোনো লক্ষণ নাই আৰু চিকিৎসাৰ নিৰীক্ষণত আছে।
মন্ত্ৰালয়ে জনোৱা অনুসৰি চৰকাৰে তেওঁলোকৰ সম্পৰ্কত অহা আন ৬৬ জন লোকক পৰীক্ষা কৰিছিল, কিন্তু তেওঁলোক সকলোৰে ফলাফল নিগেটিভ ওলায়।
- Log in to post comments
