গোলাঘাটত আটক কুকুৰৰ মাংসৰ চোৰাং ব্যৱসায়ী

শুকুৰবাৰে গোলাঘাটত অবৈধ কুকুৰৰ মাংসৰ ব্যৱসায়ৰ বাবে  চাৰিটা পোহনীয়া কুকুৰ জব্দ কৰাৰ পিছত দুজন লোকক গ্ৰেপ্তাৰ কৰা হৈছে।

জানিব পৰা মতে, কুকুৰবোৰ বস্তাত বান্ধি জিপচী বাহনত কঢ়িয়াই অনা স্থানীয় লোকসকলে দেখিছিল। কুকুৰবোৰ গোলাঘাটৰ পৰা নাগালেণ্ডলৈ লৈ যোৱা বুলি সন্দেহ কৰা হৈছে।

উল্লেখ্য় যে, কুকুৰবোৰ কব্ৰু গাঁৱত স্থানীয় লোকে উদ্ধাৰ কৰিছিল যেতিয়া বাহনখন শালিকিহাট অঞ্চলৰ পৰা গোলাঘাটঅভিমুখে গৈ আছিল। পিছত, গাওঁবাসীয়ে তেওঁলোকক গোলাঘাট আৰক্ষীৰ হাতত গতাই দিয়ে।

সংবাদ মাধ্যমৰ সৈতে বাৰ্তালাপ কৰি গ্ৰেপ্তাৰ কৰা এজন সৰবৰাহকাৰীয়ে দাবী কৰে যে তেওঁৰ সহযোগীয়ে কুকুৰৰ মাংসৰ বাবে ২৫০০ টকাত তিনিটা কুকুৰ কিনিছিল। অৱশ্যে, তালাচী অভিযানৰ সময়ত, আৰক্ষীয়ে বাহনখনৰ ভিতৰত আন এটা কুকুৰ উদ্ধাৰ কৰে।

গ্ৰেপ্তাৰ কৰা কুকুৰ সৰবৰাহকাৰীসকলক নাগালেণ্ডৰ ডিমাপুৰ জিলাৰ ৭ম মাইলৰ আবে কিৰে আৰু অসমৰ গোলাঘাট জিলাৰ চিলোনিজান গাঁৱৰ চিমন্ত বৰা বুলি চিনাক্ত কৰা হৈছিল।

ভাৰতত কুকুৰৰ মাংসৰ ব্যৱসায় নিষিদ্ধ আৰু ভাৰতৰ আইন অনুসৰি অবৈধ বুলি গণ্য কৰা স্বত্বেও কিন্তু এতিয়াও নাগালেণ্ড আৰু ভাৰতৰ অন্যান্য ৰাজ্যত এই ব্যৱসায় চলি আছে।