মালিগাঁওত কাঠৰ টুকুৰাৰে প্ৰহাৰ কৰি হত্যা কৰিলে যুৱকক! চিচিটিভি কেমেৰাত বন্দী সমগ্ৰ দৃশ্য

উৎসৱৰ মাজতে শুকুৰবাৰে নিশা গুৱাহাটী চহৰত এজন অচিনাক্ত ব্যক্তিয়ে এজন লোকক কাঠৰ টুকুৰাৰে প্ৰহাৰ কৰি হত্যা কৰে।

এক প্ৰতিবেদন অনুসৰি, তৰুণ ডেকা বুলি চিনাক্ত কৰা মৃত ব্যক্তিজনে মালিগাঁও বজাৰৰ নিৰাপত্তাৰক্ষী হিচাপে কাম কৰি আছিল।

সংবাদ মাধ্যমৰ সৈতে বাৰ্তালাপ কৰি অঞ্চলটোৰ এজন স্থানীয় ব্যক্তিয়ে কয়, "গুৱাহাটী চহৰখন নিৰাপত্তাৰ বিপদত পৰিছে, দেৱালী উদযাপনৰ মাজত যোৱা নিশা সংঘটিত ঘটনাক লৈ মই হতবাক! মৃত ব্যক্তিজন যোৱা ২০ বছৰ ধৰি আমাৰ পৰিচিত। তেওঁ এজন প্লাম্বাৰ আৰু মালিগাঁও বজাৰৰ নিৰাপত্তাৰক্ষীও আছিল। চহৰখনত অপৰাধমূলক কাৰ্যকলাপ বহুত বৃদ্ধি পাইছে, সেয়েহে, মই সন্দেহ কৰোঁ যে এইটো এটা পূৰ্ব পৰিকল্পিত হত্যা।"

উল্লেখ কৰিব পাৰি যে ভয়ংকৰ ঘটনাটো ওচৰতে থকা এটা চিচিটিভি কেমেৰাত বন্দী হৈছিল।

আনহাতে, ঘটনাটোৰ পিছত, জালুকবাৰী আৰক্ষীয়ে ঘটনাটোৰ তদন্ত আৰম্ভ কৰিছে যদিও আৰক্ষীয়ে এতিয়ালৈকে ব্যক্তিজনৰ পৰিচয় জানিব পৰা নাই।