মুখ্যমন্ত্ৰীৰ বিশেষ সতৰ্কতা চেলে মঙলবাৰে জ্যেষ্ঠ আইপিএছ বিষয়া ডিআইজি ৰৌনক আলী হাজৰিকাক অসামঞ্জস্যপূৰ্ণ সম্পত্তিৰ গোচৰত গ্ৰেপ্তাৰ কৰে।
সঠিক চৰকাৰী অনুমতি নোলোৱাকৈ বিদেশ ভ্ৰমণ কৰাৰ বাবে হাজাৰিকা বিতৰ্কত আছে। উক্ত কাৰ্যৰ বাবে চৰকাৰে তেওঁক নিলম্বন কৰিছিল। তেওঁৰ দাখিলৰ পিছত মুখ্যমন্ত্ৰী ভিজিলেন্স চেলৰ দ্বাৰা তদন্ত আৰম্ভ কৰা হৈছিল।
ডিআইজি হাজৰিকা এজন এপিএছ বিষয়া আছিল, তেওঁৰ সেৱাৰ সময়ত আইপিএছ পদলৈ পদোন্নতি লাভ কৰিছিল আৰু অসম আৰক্ষীত ডিআইজি হিচাপে কাৰ্যনিৰ্বাহ কৰি আছে।
এছ পি ৰোজি কলিতাৰ নেতৃত্বত মুখ্যমন্ত্ৰী ভিজিলেন্স দলে হেঙেৰাবাৰীৰ ৰূপকোঁৱৰ পথত থকা তেওঁৰ বাসগৃহত তদন্তকাৰী আৰক্ষী দলে তন্ন তন্নকৈ পৰীক্ষা কৰিছে বিভিন্ন নথি পত্ৰ।
কিছু সময়ৰ পাছতে, গুৱাহাটীৰ ৰূপনগৰত অৱস্থিত মুখ্যমন্ত্ৰী ভিজিলেন্স চেলৰ কাৰ্যালয়লৈ লৈ যোৱা হ'ব হাজৰিকাক।
বৰ্তমান নিজা বাসগৃহতে আছে ৰৌনক আলি হাজৰিকা।
- Log in to post comments
