পল্লৱী মটৰ্ছৰ কৰ্মচাৰী বিদ্যুৎ বিকাশ দত্ত কাৰ্যালয়ৰ বাথৰুমত মৃত অৱস্থাত উদ্ধাৰ

এক ৰহস্যজনক ঘটনাত, গুৱাহাটীৰ ভঙাগড় অঞ্চলৰ পল্লৱী মটৰ্ছৰ এজন কৰ্মচাৰী বিদ্যুত বিকাশ দত্তক কাৰ্যালয়ৰ বাথৰুমত মৃত অৱস্থাত উদ্ধাৰ কৰা হৈছে।

বিদ্যুত বহু বছৰ ধৰি পল্লৱী মটৰ্চৰ কৰ্মচাৰী আছিল আৰু দলৰ নেতা হিচাপে কাৰ্যনিৰ্বাহ কৰিছিল। চীপ লোৱা অৱস্থাত উদ্ধাৰ হৈছে কৰ্মচাৰীজনৰ মৃতদেহ।

খবৰ অনুসৰি, দলৰ এজন সদস্যই দত্তৰ সৈতে অন্তিমবাৰৰ বাবে যোগাযোগ কৰিছিল। ভুক্তভোগীৰ সহকৰ্মীয়ে তেওঁক এখন সভাৰ বিষয়ে আলোচনা কৰিবলৈ মাতিছিল।

তেওঁৰ ওচৰত থকা এজন কৰ্মচাৰীয়ে কয় যে, "দত্তক একেবাৰে সুস্থ আছিল আৰু তেওঁক কোনো ধৰণৰ মানসিক  চাপত ভুগি থকাৰ লক্ষণ নাছিল যাৰ বাবে তেওঁ তেওঁৰ জীৱন শেষ কৰাৰ সিদ্ধান্ত ল'লে।"

বিদ্যুত বিকাশ দত্ত লখিমপুৰৰ বাসিন্দা। কিছুদিন পূৰ্বে বিবাহপাশত আবদ্ধ হৈছিল বিদ্যুৎ৷ পত্নীৰ সৈতে গুৱাহাটীতে থাকে বিদ্যুৎ বিকাশ দত্ত ৷

ভঙাগড় আৰক্ষী ঘটনাস্থলীত উপস্থিত হয় আৰু মৃতদেহটো মৰণোত্তৰ পৰীক্ষাৰ বাবে প্ৰেৰণ কৰে। পৰৱৰ্তী অনুসন্ধান চলি আছে।