শোকাৱহ! ব'ল বমত পদপিষ্ট হৈ প্ৰাণ হেৰুৱালে ৭জনকৈ লোকে, আহত ৩৫ গৰাকী ভক্ত.....

পুনৰ ব'ল বমত সংঘটিত হৈছে এক শোকাৱহ ঘটনা। এইবাৰ পদপিষ্ট হৈ বৰ্তমান লৈ মৃতকৰ সংখ্যা ৭ জন যদিও, নিহতৰ সংখ্যা আৰু অধিক বৃদ্ধি পোৱাৰ সম্ভাৱনা আছে। 

আজি ১২ আগষ্ট শাওণ মাহৰ শেষৰটো সোমবাৰ, শেষৰটো সোমবাৰ হোৱাৰ হেতুকে দেওবাৰে ১১ আগষ্ট তাৰিখে নিশা ব'ল বমত যোৱা ভক্তৰ সংখ্যা বৃদ্ধি পাইছে।

এই শোকাৱহ ঘটনাটো সংঘটিত হৈছে বিহাৰৰ জেহানাবাদ জিলাৰ মাখদুমপুৰৰ বাবা সিদ্ধনাথ মন্দিৰত। ঘটনাৰ ফলত থিতাতে নিহত হয় ৭ জন কৈ ভক্ত। মৃত্যু হোৱা সকলৰ ভিতৰত পুৰুষ-মহিলা উভয়ে আছে। আনহাতে, গুৰুতৰভাৱে আঘাতপ্ৰাপ্ত আন ৩৫ গৰাকী ভক্ত।

আনহাতে, স্থানীয় বাসিন্দাসকলৰ মতে, মন্দিৰৰ প্ৰৱেশদ্বাৰৰ সমীপত এদল কানৱৰীয়া আৰু ফুল বিক্ৰেতাৰ মাজত সংঘাতৰ সৃষ্টিৰ ফলত এই ঘটনাটো সংঘটিত হৈছে। অৱশ্যে এই হুলস্থুলৰ আঁৰৰ কাৰণ বৰ্তমান কৰ্তৃপক্ষই তদন্ত অব্যাহত ৰাখিছে।