সমগ্ৰ দেশৰ লগতে মা কামাখ্যা দেৱালয়তো পৰম্পৰা অনুসৰিয়েই উদযাপন কৰা হৈছে নৱৰাত্ৰীৰ পূজা। কামাখ্যা দেৱালয়ত দুৰ্গা পূজাৰ উপলক্ষে দৈনন্দিন কৰি অহা কাৰ্যসূচীত বিভিন্ন সালসলনি কৰিছে মন্দিৰ কতৃপক্ষই। দুৰ্গা পূজা কেইদিনত মন্দিৰৰ দুৱাৰ খোলা আৰু বন্ধ কৰাৰ সময়ৰো কিছু নিয়ম সালসলনি কৰা হৈছে।
উল্লেখ্য যে, ২০ অক্টোবৰৰ ষষ্ঠী পূজাৰ দিনা পুৱা ৯ বজাত মন্দিৰৰ দুৱাৰ খোলা হ'ব আৰু দুপৰীয়া ভোগ দি আবেলি সময়ত যাত্ৰীৰ আৰক্ষণস্থলীত বন্ধ কৰা হ'ব।
২১ অক্টোবৰত সপ্তমী পূজাৰ দিনা পুৱা ৯-৩০ বজাত মন্দিৰৰ দুৱাৰ খুলিব। আনহাতে, আবেলি ৪ বজাত যাত্ৰীৰ আৰক্ষণস্থলীত বন্ধ কৰা হ'ব।
২২ অক্টোবৰৰ অষ্টমী পূজাৰ দিনা পুৱা ১০-৩০ বজাত মন্দিৰৰ দুৱাৰ খোলা হ'ব। আবেলি ৪ বজাত যাত্ৰীৰ আৰক্ষণস্থলীত বন্ধ কৰা হ'ব।
২৩ অক্টোবৰত নৱমী পূজাৰ দিনা মন্দিৰৰ দুৱাৰ ১১ বজাত খোলা হ'ব। আবেলি পুনৰ ৪ বজাত যাত্ৰীৰ আৰক্ষণস্থলীত বন্ধ কৰা হ'ব।
২৪ অক্টোবৰৰ দশমী পূজাৰ দিনা পুৱা ৮-৩০ বজাত খুলিব মন্দিৰৰ দুৱাৰ। দুপৰীয়া ১ বজাত ভোগ নিবেদন কৰা হ'ব। আবেলি যাত্ৰীৰ আৰক্ষণস্থলীত বন্ধ কৰা হ'ব।
- Log in to post comments
