ৰাজ্যবাসীলৈ ভাল খবৰ! হ্ৰাস পালে ৰন্ধন গেছৰ চিলিণ্ডাৰৰ মূল্য 

নৱেম্বৰ মাহৰ প্ৰথম দিনটোতে ৰাজ্যবাসীলৈ ভাল খবৰ! দেশজুৰি পুনৰ হ্ৰাস পালে বাণিজ্যিক ৰন্ধন গেছৰ চিলিণ্ডাৰৰ দাম। ঘৰুৱা ৰন্ধন গেছৰ চিলিণ্ডাৰৰ দাম নকমিলেও কমিছে বাণিজ্যিক চিলিণ্ডাৰৰ দাম। প্ৰতিটো চিলিণ্ডাৰত ১১৫.৫০ টকা হ্ৰাস পাইছে বাণিজ্যিক চিলিণ্ডাৰত। ১৯ কিলোগ্ৰামৰ বাণিজ্যিক ৰন্ধন গেছৰ চিলিণ্ডাৰৰ দাম আছিল ১৮৫৯.৫০ টকা। যাৰ দাম বৰ্তমান হ’লগৈ ১৭৪৪ টকা। ইয়াৰ ফলত কলকাতাত ৰন্ধন গেছৰ চিলিণ্ডাৰৰ দাম হ’ল ১৮৪৬ টকা, পূৰ্বে এই দাম আছিল ১৯৯৫.৫০ টকা। মুম্বাইত বাণিজ্যিক চিলিণ্ডাৰৰ দাম আছিল ১৮৪৪ টকা, বৰ্তমান দাম ১৬৯৬ টকা। চেন্নাইত বাণিজ্যিক ৰন্ধন গেছৰ চিলিণ্ডাৰৰ দাম আছিল ২০০৯.৫০ টকা। এতিয়া দাম ১৮৯৩ টকা। বাণিজ্যিক ৰন্ধন গেছৰ চিলিণ্ডাৰৰ দাম কমাৰ ফলত কিছু স্বস্তিৰ সকাহ পাব মধ্যবিত্তই।