‘মই ষড়যন্ত্ৰৰ বলি হ’লো, গোচৰত জয়লাভ কৰাৰ পিছতে এৰিম অসম’- উদ্ধৱ ভৰালী

পদ্মশ্ৰী বঁটা প্ৰাপ্ত উদ্ধৱ ভৰালীয়ে বৃহস্পতিবাৰে তেওঁৰ বিৰুদ্ধে উত্থাপিত ধৰ্ষণৰ অভিযোগ অস্বীকাৰ কৰি কয় যে এইটো তেওঁৰ ভাবমূৰ্তি কলুষিত কৰাৰ এক ষড়যন্ত্ৰ।

তেওঁ লগতে প্ৰকাশ কৰে যে, গোচৰত জয়লাভ কৰাৰ পিছতে তেওঁ অসম এৰিব।

"মই গোচৰটো জিকাৰ দিনা অসম এৰিম আৰু মই এই ঠাইলৈ উভতি নাহো। মই এনে স্থানত থাকিব নিবিচাৰো য'ত এজন ব্যক্তিৰ কৃতিত্ব আৰু সন্মান এজন ব্যক্তিৰ শত্ৰু হৈ পৰে," তেওঁ কয়।

তেওঁ দাবী কৰে যে তেওঁৰ বিৰুদ্ধে ষড়যন্ত্ৰটোত লখিমপুৰৰ কিছুলোকে নেতৃত্ব দিছে যিবোৰ তেওঁৰ অতিকৈ ঘনিষ্ঠ আৰু তেওঁৰ কৃতিত্বৰ বাবে ঈৰ্ষা কৰে।

সংবাদ মাধ্যমৰ সৈতে বাৰ্তালাপ কৰি ভৰালীয়ে ন্যায়পালিকাৰ ওপৰত বিশ্বাস ব্যক্ত কৰি কয়, "মই ন্যায়ৰ বাবে যুঁজ দিম আৰু সত্যৰ জয় হোৱালৈ অপেক্ষা কৰিম।"

ইয়াৰ পূৰ্বে, গুৱাহাটি উচ্চ ন্যায়ালয়ে ভৰালীক আগতীয়া জামিন প্ৰদান কৰাৰ সময়ত তেওঁক ভাৰপ্ৰাপ্ত বিষয়াৰ আগতীয়া অনুমতি অবিহনে উত্তৰ লখিমপুৰ আৰক্ষী থানাৰ আঞ্চলিক অধিকাৰ ক্ষেত্ৰ এৰি নাযাবলৈ নিৰ্দেশ দিয়ে।

নিৰ্দেশনাটোত লগতে উল্লেখ কৰে, "আবেদনকাৰীয়ে তেওঁৰ বিবৃতি লিপিবদ্ধ কৰাৰ বাবে আজিৰ পৰা ৭দিনৰ ভিতৰত উত্তৰ লখিমপুৰ পিএছৰ ভাৰপ্ৰাপ্ত বিষয়াৰ সন্মুখত হাজিৰ হ'ব।"

"আৱেদনকাৰীয়ে কেছটোৰ আই.ওৰ সন্মুখত যেতিয়াই মাতিব উপস্থিত হ'ব লাগিব।"

ভৰালীক POCSO আইনৰ অধীনত এগৰাকী নাবালকক ধৰ্ষণ কৰাৰ অভিযোগত গোচৰ ৰুজু কৰা হৈছে।

আৰক্ষীয়ে এজন মুখ্য ন্যায়িক দণ্ডাধীশৰ অভিযোগৰ ভিত্তিত ভাৰতীয় দণ্ডবিধি আৰু POCSO আইনৰ ধাৰা প্ৰয়োগ কৰি তেওঁৰ বিৰুদ্ধে এখন এজাহাৰ পঞ্জীয়ন কৰিছে, যোৱা ১৭ ডিচেম্বৰত লখিমপুৰৰ জিলা আইনী সেৱা প্ৰাধিকৰণে (ডিএছএলএ) অৱগত কৰিছিল।

৭ জানুৱাৰীত কেছ ডায়েৰী ৰ বাবে আহ্বান জনোৱাৰ সময়ত ২৮ ডিচেম্বৰত গুৱাহাটি উচ্চ ন্যায়ালয়ে তেওঁক আগতীয়া জামিন প্ৰদান কৰিছিল।