৫খন ৰাজ্যৰ বিধানসভা নিৰ্বাচন স্থগিত ৰখাৰ সম্ভাৱনা, আজি লোৱা হ'ব সিদ্ধান্ত!

পাঁচখন ৰাজ্যৰ বিধানসভা নিৰ্বাচনৰ পূৰ্বে বৰ্তমানৰ কোভিড-১৯ পৰিস্থিতিৰ বিষয়ে আলোচনা কৰিবলৈ আজি কেন্দ্ৰীয় স্বাস্থ্য সচিব ৰাজেশ ভূষণ ভাৰতীয় নিৰ্বাচন আয়োগৰ (ইচিআই) কাৰ্যালয়ত উপস্থিত হয়।

খবৰ অনুসৰি, স্বাস্থ্য আৰু পৰিয়াল কল্যাণ মন্ত্ৰালয়ৰ জ্যেষ্ঠ বিষয়াসকলেও নিৰ্বাচনী পেনেলৰ বৈঠকত উপস্থিত থাকিব।

লক্ষণীয়ভাৱে, উত্তৰ প্ৰদেশ, মণিপুৰ, উত্তৰাখণ্ড, গোৱা আৰু পঞ্জাৱকে ধৰি পাঁচখন ৰাজ্যত অহা বছৰ বিধানসভা নিৰ্বাচন অনুষ্ঠিত হ'ব।

বিশেষ সূত্ৰৰ দ্বাৰা প্ৰকাশ হোৱা অনুসৰি , "২০১৯ৰ বিধানসভা নিৰ্বাচনৰ পূৰ্বে পাঁচখন ৰাজ্যৰ বৰ্তমানৰ কোভিড-১৯ পৰিস্থিতি চাবলৈ ভাৰতৰ নিৰ্বাচন আয়োগে ২৭ ডিচেম্বৰত সচিব ৰাজেশ ভূষণকে ধৰি স্বাস্থ্য আৰু পৰিয়াল কল্যাণ মন্ত্ৰালয়ৰ জ্যেষ্ঠ বিষয়াসকলৰ সৈতে বৈঠকত মিলিত হ'ব।"

শেহতীয়াকৈ, দেশত অমিক্ৰন বৃদ্ধি হোৱাৰ বাবে, এলাহাবাদ উচ্চ ন্যায়ালয়ে ভাৰতৰ নিৰ্বাচন আয়োগক দেশৰ পাঁচখন ৰাজ্যৰ বিধানসভা নিৰ্বাচন স্থগিত ৰাখিবলৈ আবেদন জনাইছিল, যিটো অহা বছৰত অনুস্থিত হ'ব।

তদুপৰি, উচ্চ ন্যায়ালয়ে প্ৰধানমন্ত্ৰী নৰেন্দ্ৰ মোদীক ৰাজ্যখনত নিৰ্বাচন সম্পৰ্কীয় সমাৱেশ নিষিদ্ধ কৰিবলৈও আবেদন জনাইছে।