প্ৰকৃতিৰ ভয়ংকৰ তাণ্ডৱ! “ৰায়ে” প্ৰাণ কাঢ়িছে প্ৰায় ১৬৯জনৰ

ফিলিপাইনছত প্ৰকৃতিৰ ভয়ংকৰ তাণ্ডৱ৷ টাইফুনে তচ-নচ কৰিলে ফিলিপাইনছৰ একাধিক অঞ্চল৷

ৰায় (Typhoon Rai in Philippines) নামৰ বিধংসী ধুমুহাই বৰ্তমানলৈকে প্ৰাণ কাঢ়িছে প্ৰায় ১৬৯জন লোকৰ৷ তাৰ ভিতৰত ভিছায়া নামৰ এলেকাৰ অধিকাংশ ১২৯ জন লোক মৃত্যুমুখত পৰিছে৷ তদুপৰি স্থানীয় সংবাদ মাধ্যমত প্ৰকাশ পোৱা অনুসৰি প্ৰায় ৫০ গৰাকীকৈ লোক এতিয়াও সন্ধানহীন হৈ আছে৷

দেশখনৰ ৩,০০০ৰো অধিক অঞ্চলত প্ৰায় ১ লাখৰো অধিক লোক গৃহহাৰা হৈ পৰিছে৷ স্থানসমূহত বিচ্ছিন্ন হৈ আছে বিদ্যুত সংযোগ। NDRRMCৰ মতে, ১৬ ডিচেম্বৰত ৰায়ে ফিলিপাইনছত তাণ্ডৱ সৃষ্টি কৰাৰ পিছত ৩,৩২,০০০ ৰো অধিক লোকক সুৰক্ষিত স্থানলৈ স্থানান্তৰ কৰা হৈছিল যদিও সুৰক্ষিত নহয় দেশখনৰ লোক।