নিষ্ঠুৰ! মাতৃক প্ৰহাৰ কৰিলে পুত্ৰ বোৱাৰীয়ে।

দেৰগাঁৱৰ জেলেহুৱা গাঁৱত ভয়ংকৰ ঘটনা,পুত্ৰ বোৱাৰীৰ প্ৰহাৰত গুৰুতৰ ভাৱে আঘাতপ্ৰাপ্ত মাতৃ। প্ৰাপ্ত তথ্য মতে দীৰ্ঘ দিনৰ পৰা চলি থকা ঘৰুৱা কন্দলৰ পৰিণতিত এই ঘটনা সংঘটিত হয়।পুৱাই শাহু বোৱাৰীৰ মাজত তৰ্কা তৰ্কি হয়।এই সাধাৰণ তৰ্কা তৰ্কিয়ে পাছলৈ ভয়ংকৰ ৰূপ লয়। পুত্ৰ লাতু কলিতা আৰু বোৱাৰী ৰূপালী কলিতাই লাঠিৰে কোবাই বৃদ্ধা মাতৃ পুতলী কলিতাক ধৰাষায়ী কৰে। ঘটনাস্থলীত স্থানীয় ৰাইজ উপস্থিত হৈ পুত্ৰ বোৱাৰীক আটক কৰি দেৰগাঁও আৰক্ষীক খবৰ দিয়ে। ঘটনাস্থলীত আৰক্ষী উপস্থিত হৈ দুয়োকে আটক কৰি থানালৈ লৈ যায়। আনহাতে গুৰুতৰ ভাৱে আহত বৃদ্ধা গৰাকীক যোৰহাট মেডিকেল কলেজলৈ লৈ যোৱা হয় যদিও উন্নত চিকিৎসাৰ বাবে ডিব্ৰুগড়লৈ প্ৰেৰণ কৰে।