হৃদয়-বিদাৰক! জাবৰ পেলাব গৈয়ে জাবৰৰ গাঁতত পৰি মৃত্যু মহিলাৰ

মহানগৰীৰ বামুণীমৈদামত কৰুণ ঘটনা। জাবৰৰ গাঁতত পৰি মৃত্যুক সাৱটি লয় এগৰাকী মহিলাই। জাবৰ পেলাবলৈ গৈছিল মহিলাগৰাকী। জাবৰৰ গাঁতত অগ্নিদগ্ধ হৈ মৃত্যু অলকা শৰ্মাৰ। গণেশ নগৰৰ শংকৰ মাধৱ পথত এই ঘটনা। ঘটনাক কেন্দ্ৰ কৰি এতিয়া অঞ্চলজুৰি শোকৰ ছাঁ পৰিছে। পুৱা মহিলা গৰাকীয়ে ঘৰৰ চৌহদতে থকা জাবৰ পেলাবলৈ ব্যৱহাৰ কৰা প্ৰায় পাঁচ ফুট দ কুৱা এটাত জাৱৰ পেলাবলৈ যায়। কিন্তু হঠাৎ তেওঁৰ মোবাইল ফোনটো গাতত পৰি যোৱাত ম'বাইলটো উঠাবলৈ চেষ্টা কৰোতেই গাঁতত পৰি যায় মহিলাগৰাকী। পূৰ্বৰে পৰা জাৱৰ সমূহ জ্বলি থকা জুইত মহিলা গৰাকী পৰি অগ্নিদগ্ধ হৈ মৃত্যু মুখত পৰে। ইতিমধ্যে ঘটনাস্থলীত চান্দমাৰী আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে GMCH লৈ প্ৰেৰণ কৰে।