২৬ মাৰ্চত গুৱাহাটী-দিল্লী ইণ্ডিগো বিমানত ঘটিল অঘটন। এজন উচ্ছৃংখল, সুৰাপান কৰা যাত্ৰীয়ে বিমানতে কৰিলে বমি আৰু শৌচাগাৰৰ চাৰিওফালে কৰিলে প্ৰস্ৰাৱ। পৰিস্থিতি দেখি কেবিন ক্ৰুসকলেই লেতেৰা খিনি পৰিষ্কাৰ কৰিবলৈ বাধ্য হৈছিল যিয়ে বিমানখনৰ ভিতৰত সকলোৰে বাবে এক অপ্ৰীতিকৰ পৰিস্থিতিৰ সৃষ্টি কৰিছিল। ঘটনাটো ছ'চিয়েল মিডিয়াত অধিবক্তা ভাস্কৰ দেৱ কোঁৱৰে পষ্ট কৰিছিল, যি বিমানখনত আছিল। তেওঁ কেবিন ক্ৰু সদস্য শ্বেতাৰ প্ৰশংসা কৰি এখন ফটো শ্বেয়াৰ কৰিছিল।
"ইণ্ডিগো ৬৭৬২: গুৱাহাটীৰ পৰা দিল্লীলৈ ৰাওনা হৈছিল। এজন সুৰাপায়ী যাত্ৰীয়ে পথত বমি কৰিছিল আৰু শৌচাগাৰৰ চাৰিওফালে শৌচ কৰিছিল। আগশাৰীৰ মহিলা শ্বেতাই সকলো খিনি পৰিষ্কাৰ কৰিছিল আৰু সকলো ছোৱালীয়ে পৰিস্থিতিটো অসাধাৰণভাৱে পৰিচালনা কৰিছিল। নাৰীশক্তিক অভিবাদন জনাইছো," কোঁৱৰে দেওবাৰে এটা ফেচবুক পোষ্টত এনেদৰে লিখিছিল। ছবিখনত ক্ৰু মেম্বাৰজনক হাতমোজা আৰু মুখা পিন্ধি থকা আৰু যাত্ৰীজনে বমি কৰা ঠাইখিনি স্প্ৰে আৰু টিচ্যু পেপাৰৰে পৰিষ্কাৰ কৰা দেখা গৈছে।
ইফালে, এয়াৰলাইনসমূহে সুৰাপান কৰা যাত্ৰীজনৰ বিৰুদ্ধে কোনো ব্যৱস্থা গ্ৰহণ কৰিছে নে নাই সেয়া এতিয়াও অস্পষ্ট হৈ আছে।
- Log in to post comments