মণিপুৰৰ ননি জিলাৰ টুপুল ৰে'ল ষ্টেচনৰ ওচৰৰ স্থানত উদ্ধাৰ অভিযানৰ মাজতে কাষৰীয়া পাহাৰত আজি আন এক বৃহৎ ভূমিস্খলন দেখা যায়।
সৌভাগ্যক্ৰমে, এতিয়ালৈকে কোনো হতাহত হোৱাৰ খবৰ পোৱা হোৱা নাই। অৱশ্যে, নেৰানেপেৰা বৰষুণে নিৰন্তৰ ভাৱে উদ্ধাৰ অভিযানত যথেষ্ট কষ্টকৰ হৈ পৰিছে।
এই কথা সদৰী কৰি মণিপুৰৰ মুখ্যমন্ত্ৰী এন বীৰেন সিঙে কয় যে টুপুলৰ ভূমিস্খলন প্ৰভাৱিত অঞ্চলৰ পৰিস্থিতি এতিয়াও গুৰুতৰ হৈ আছে।
"ৰাতিপুৱা বৰষুণ হোৱাৰ বাবে, আমি বেয়া বতৰ অব্যাহত থাকিব বুলি আশা কৰিছো। এতিয়ালৈকে, ১৮জন আহত ব্যক্তি আৰু ২৫জন নিহত উদ্ধাৰ কৰা হৈছে। ৩৮ জন লোক এতিয়াও সন্ধানহীন হৈ আছে," সিঙে কয়।
ইফালে, অসমৰ মুখ্যমন্ত্ৰী হিমন্ত বিশ্ব শৰ্মাৰ নিৰ্দেশনা অনুসৰি ৰাজ্যৰ কেবিনেট মন্ত্ৰী পিযুষ হাজৰিকাই মণিপুৰৰ বৃহৎ ভূমিস্খলনৰ ফলত বিধ্বস্ত হোৱা টুপুলত থকা টেৰিটৰিয়েল আৰ্মি শিবিৰত উপস্থিত হয়।
The situation in the landslide affected area of Tupul is still serious. Due to rainfall in the morning, we are expecting the bad weather to persist.
— N.Biren Singh (@NBirenSingh) July 2, 2022
So far, 18 injured person and 25 deceased have been recovered. 38 persons are still missing.@PMOIndia pic.twitter.com/58y06Ui2Ac
হাজৰিকাই জনাইছে যে এতিয়ালৈকে ধ্বংসাৱ শেষৰ পৰা ৭জন নিৰ্মাণ কৰ্মচাৰী আৰু এজন সেনা জোৱানকে ধৰি অসমৰ ৮জন লোকৰ মৃতদেহ উদ্ধাৰ কৰা হৈছে।
"এজন ৰে'ল অভিযন্তা আৰু আন ১১ জন কৰ্মচাৰী সন্ধানহীন হৈ আছে। ৫জনক উদ্ধাৰ কৰা হৈছে যাৰ ভিতৰত দুজন চিকিৎসালয়ত ভৰ্তি হৈছে। সকলো অসমৰ বুলি," হাজৰিকাই লগতে কয়।
বুধবাৰে মণিপুৰৰ ননি জিলাৰ টুপুল ৰেল ষ্টেচনৰ ওচৰত নিয়োজিত ভাৰতীয় সেনাৰ ১০৭ টা টেৰিটৰিয়েল আৰ্মীৰ কোম্পানীৰ অৱস্থানত এক বৃহৎ ভূমিস্খলন হৈছিল।
মণিপুৰৰ মুখ্যমন্ত্ৰী বীৰেন সিঙে ভূমিস্খলনটোক ৰাজ্যখনৰ আটাইতকৈ ডাঙৰ ট্ৰেজেডী বুলি অভিহিত কৰিছে।
- Log in to post comments
