অষ্ট্ৰেলিয়াৰ অলৰাউণ্ডাৰ গ্লেন মেক্সৱেলে তেওঁৰ ভাৰতীয় প্ৰেমিকা ভিনী ৰমণৰ সৈতে বিবাহপাশত আৱদ্ধ হ'বলৈ সাজু হৈছে।
ক্ৰিকেটাৰজনে এতিয়াও এই বিষয়ে কোৱা নাই যদিও মেক্সৱেলৰ বিয়াৰ নিমন্ত্ৰণী পত্ৰ ছচিয়েল মিডিয়াত ভাইৰেল হৈ পৰিছে।
অভিনেত্ৰী কস্তুৰী শংকৰে নিমন্ত্ৰণ কাৰ্ডখনৰ ফটো শ্বেয়াৰ কৰি কয় যে মেক্সৱেল আৰু ভিনীয়ে ২৭ মাৰ্চত বিবাহপাশত আৱদ্ধ হ'ব আৰু এই বিবাহ পৰম্পৰাগত তামিল ব্ৰাহ্মণ বিবাহ হ'ব।
"গ্লেন মেক্সৱেলে ভিনী ৰমণক বিয়া কৰাব। সুন্দৰ পৰম্পৰাগত তামিল মুহূৰ্ত পত্ৰিকাইৰ অনুষ্ঠান মতে আমি বাজি মাৰিব পাৰোঁ যে তামব্ৰাম অনুষ্ঠান হ'ব পাৰে... বগা গাউনৰ বিয়াও হ'ব নেকি? গ্লেন আৰু ভিনিক অভিনন্দন," কস্তুৰী শংকৰৰ টুইটটোত এইদৰে লিখিছিল।
GlennMaxwell marrying Vini Raman. Going by the cute traditional Tamil muhurta patrikai, we'd bet there may likely be a TamBram ceremony... Will there be a white gown wedding too?
— Kasturi Shankar (@KasthuriShankar) February 12, 2022
Congratulations Glenn and Vini ! @Gmaxi_32 pic.twitter.com/uJeSjHM1we
ইণ্ডিয়ান প্ৰিমিয়াৰ লীগ ২০২২ত ৰয়েল চেলেঞ্জাৰ্ছ বাংগালোৰৰ হৈ খেলিবলৈ সাজু হোৱা মেক্সৱেল বৰ্তমান অষ্ট্ৰেলিয়াত আছে। শ্ৰীলংকাৰ বিৰুদ্ধে ৫খন খেলৰ টি-২০ শৃংখলা খেলি আছে।
গ্লেন মেক্সৱেল আৰু ভিনী ৰমণে কেইবাবছৰ ধৰি প্ৰেমৰ সম্পৰ্কত আছে। ভিনীৰমণে প্ৰথমে ২০১৭ চনত অষ্ট্ৰেলিয়ান ক্ৰিকেটাৰজনৰ সৈতে এখন ফটো পোষ্ট কৰিছিল। ২০২০ চনত মেক্সৱেলে দুয়োজনৰ এংগেজমেণ্টৰ কথা ৰাজহুৱা কৰিছিল।
- Log in to post comments
