অত্যাধিক ফোন ব্যৱহাৰ কৰাৰ বাবেই দেউতাকে ধৰ্ষণ কৰিলে নাবালক জীয়েকক

এক অদ্ভুত ঘটনা, বিশাখাপত্তনমত এজন ৪২বছৰীয়া ব্যক্তিয়ে 'ফোনত অত্যাধিক সময় কটোৱাৰ' বাবে তেওঁৰ নাবালক কন্যাক ধৰ্ষণ কৰাৰ অভিযোগ।

এই ঘটনা শনিবাৰে পোহৰলৈ আহে। যেতিয়া দশম শ্ৰেণীত পঢ়ি থকা ছোৱালীজনীয়ে স্কুল ছুটিৰ পিছতো স্কুলৰ পৰা আহিব বিচৰা নাছিল।

তাইৰ এগৰাকী শিক্ষকে প্ৰশ্ন কৰাত ছোৱালীজনীয়ে জনাই যে তাই ঘৰলৈ ঘূৰি যাব নিবিচাৰে, কিয়নো তাইৰ দেউতাকে তাইক কেইবাদিনৰ পৰা যৌন শোষণ কৰি আহিছে।

শিক্ষকজনৰ সহায়ত ছোৱালীজনীয়ে শনিবাৰে নিশা স্থানীয় আৰক্ষীৰ ওচৰত এটা অভিযোগ দাখিল কৰে। আৰক্ষীয়ে অভিযুক্তজনক গ্ৰেপ্তাৰ কৰে আৰু ছোৱালীজনীক চিকিৎসা পৰীক্ষাৰ বাবে পঠিয়াই।

অভিযুক্তজনক দেওবাৰে ন্যায়িক জিম্মালৈ প্ৰেৰণ কৰা হয়।

পিছত, আৰক্ষীৰ অনুসন্ধানত প্ৰকাশ পাই যে অপৰাধীজন দুবছৰ আগতে তেওঁৰ বৃক্ক বিকল হোৱাৰ পিছত অসুস্থ হৈ পৰিছিল। খবৰ অনুসৰি তেওঁৰ পত্নীয়ে মানুহজনক বচাবলৈ বৃক্ক দান কৰিছিল।

অৱশ্যে, পাঁচ মাহ আগতে পত্নী অসুস্থ হৈ পৰিছিল আৰু তাইৰ মাকৰ ঘৰত চিকিৎসাধীন হৈ আছে। ছোৱালীজনীয়ে তাইৰ দেউতাকৰ যত্ন লৈ আছিল।

ছোৱালীজনীয়ে মোবাইল ফোনত অত্যাধিক সময় অতিবাহিত কৰাৰ বাবেই খঙৰ ভমকত মানুহজনে যোৱা কেইমাহমানত তাইক একাধিকবাৰ ধৰ্ষণ কৰিছিল বুলি অভিযোগ কৰা হৈছে।