তৃতীয়বাৰৰ বাবে বিয়া কৰাবলৈ সাজু বলিউড অভিনেতা আমিৰ খান

এই বছৰৰ আগষ্টমাহত, আমিৰ খান আৰু তেওঁৰ পত্নী কিৰণ ৰাওে বিবাহ বিচ্ছেদৰ কথা ঘোষণা কৰিছিল।

সকলো অনুৰাগীৰ বাবে এইটো এক আচৰিত ঘটনা আছিল, বিচ্ছেদৰ কথা ঘোষণা কৰি  দম্পতীহালে তেওঁলোকৰ ৯বছৰীয়া পুত্ৰ আজাদ খানৰ সহ-পিতৃ-মাতৃ হোৱাৰ সিদ্ধান্ত লৈছিল।

এতিয়া, শেহতীয়া উৰাবাতৰি আৰু প্ৰতিবেদন অনুসৰি চুপাৰষ্টাৰে তেওঁৰ অতীতৰ সহ-অভিনেতাৰ সৈতে লাল সিং চাড্ডাৰ মুক্তিৰ পিছত তেওঁৰ তৃতীয় বিবাহৰ কথা ঘোষণা কৰিবলৈ সাজু হৈছে।

ইতিমধ্য়ে,ৰীনা দত্তৰ সৈতে হোৱা প্ৰথম বিবাহৰ পিছত আমিৰৰ জুনেইদ আৰু ইৰা নামৰ দুটা সন্তানো আছে।

কালি, আমিৰ খানৰ প্ৰযোজনা গৃহই কৰীণা কাপুৰ খানৰ সৈতে তেওঁৰ আহিবলগীয়া ছবি লাল সিং চাড্ডাৰ মুক্তিৰ তাৰিখ ঘোষণা কৰিছিল। আৰু তাৰ পিছতেই, তেওঁৰ তৃতীয় বিবাহৰ উৰাবাতৰি দেখিবলৈ পোৱা গৈছে।

খান আৰু কিৰণ ৰাৱে তেওঁলোকৰ বিচ্ছেদৰ কথা ঘোষণা কৰাৰ পিছৰে পৰা, তেওঁৰ দঙ্গলৰ সহ-অভিনেত্ৰী ফাতিমা ছানা শ্বেখক ছ'চিয়েল মিডিয়াত নিৰ্দয়ভাৱে ট্ৰ'ল কৰা দেখা হৈছে।

আৰু এটা প্ৰবন্ধত এইটোও দাবী কৰা দেখিবলৈ পোৱা গৈছে যে, লাল সিং চাড্ডাৰ মুক্তিৰ পিছত চুপাৰষ্টাৰে ফাতিমাৰ বাহিৰে আন কাৰো সৈতে বিবাহ পাশত আৱদ্ধ নহয়। কেৱল সেয়াই নহয়, সমালোচকসকলে অভিনেত্ৰীগৰাকীক তাৰকা দম্পতীৰ বিবাহ বিচ্ছেদৰ কাৰণ বুলি অভিহিত কৰিছে। 

অৱশ্যে, ফাতিমা ছানা শ্বেখ বা আমিৰ খানে এতিয়ালৈকে উৰাবাতৰিৰ ওপৰত একো মন্তব্য কৰা নাই। অভিনেত্ৰীগৰাকীয়ে আমিৰক তেওঁৰ পৰামৰ্শদাতা বুলি বিবেচনা কৰে।

আমিৰ খানে ফাতিমা ছানা শ্বেখৰ সৈতে তেওঁৰ তৃতীয় বিবাহৰ কথা ঘোষণা কৰাৰ উৰাবাতৰিৰ বিষয়ে আপোনাৰ মতামত কি? কমেন্ট বক্সত আমাক জনাওঁক।