ঘোষণা হ'ল ২০২৩ বৰ্ষৰ সাহিত্য একাডেমি অনুবাদ বঁটা! কোনে কোনে এই বঁটা লাভ কৰিলে?........

ইতিমধ্যেই ২০২৩ বৰ্ষৰ সাহিত্য একাডেমি অনুবাদ বঁটা ঘোষণা। অসমীয়া ভাষাৰ বাবে সাহিত্য একাডেমি অনুবাদ বঁটা আগবঢ়োৱা হৈছে লক্ষ্যজ্যোতি গগৈ সন্দিকৈলৈ। 

টেমছোলা আওৰ ইংৰাজী  ‘Once Upon a Life: Burnt Curry and Bloody Rags’ শীৰ্ষক উপন্যাসখন ‘মোৰ জীৱনটো’ নামেৰে অসমীয়ালৈ অনুবাদ কৰাৰ বাবে লক্ষ্যজ্যোতি গগৈ সন্দিকৈ লৈ এই বঁটা আগবঢ়োৱা হৈছে।

উল্লেখ্য যে, অম্বিকাগিৰি হাজোৱাৰী লৈ সাহিত্য একাডেমি অনুবাদ বঁটা প্ৰদান। অম্বিকাগিৰি হাজোৱাৰীয়ে পূৰৱী বৰমুদৈৰ অসমীয়া উপন্যাস ‘শান্তনুকুলনন্দন’ বড়ো ভাষালৈ কৰা অনুবাদ কৰিছিল। 

লগতে, নেপালী ভাষাৰ বাবে ছত্ৰমন চুব্বালৈ আগবঢ়োৱা হৈছে সাহিত্য অকাডেমি অনুবাদ বঁটা। উল্লেখযোগ্য যে, ছত্ৰমন চুব্বাই লক্ষ্মীনন্দন বৰাৰ ‘কায়কল্প’ গ্ৰন্থখন নেপালী ভাষালৈ অনুবাদ কৰিছিল।

উল্লেখযোগ্য যে, সাহিত্য একাডেমিৰ স্বীকৃত ২৪টা ভাষালৈ কৰা বিশিষ্ট অনুবাদ গ্ৰন্থৰ বাবে ১৯৮৯ চনৰ পৰা সাহিত্য একাডেমি অনুবাদ বঁটা প্ৰদান কৰি অহা হৈছে। প্ৰথম বৰ্ষত ১৩ গৰাকী অনুবাদকলৈ এই বঁটা প্ৰদান কৰা হয়।