‘শ্ৰেষ্ঠ গল্প’ৰ বাবে সাহিত্য একাডেমী বঁটা লাভ বিশিষ্ট গৱেষক, সাহিত্যিক ড০ প্ৰণৱজ্যোতি ডেকাৰ...........

ঘোষণা হ’ল সাহিত্য একাডেমী বঁটা। অসমৰ বিশিষ্ট গৱেষক, সাহিত্যিক ড০ প্ৰণৱজ্যোতি ডেকালৈ সাহিত্য অকাডেমি বঁটা প্ৰদান। তেওঁৰ ‘শ্ৰেষ্ঠ গল্প’ৰ বাবে এই বঁটা আগবঢ়োৱা হৈছে। 

উল্লেখ্য যে, ২০২১ চনত প্ৰকাশিত এই গল্প সংকলনখনে ২০২২ বৰ্ষত অসম প্ৰকাশন পৰিষদৰ বঁটাও লাভ কৰিছিল। তেওঁৰ আত্মজীৱনী ‘সোণৰ চামুচ মুখত লৈ’য়ে অসমীয়া আত্মজীৱনীৰ ইতিহাসত বিশেষ গুৰুত্ব লাভ কৰিছে।  

সাহিত্যিক ড০ প্ৰণৱজ্যোতি ডেকাৰ দ্বাৰা ৰচিত গ্ৰন্থসমূহৰ ভিতৰত‘একুৰ বছৰৰ গল্প’,‘এজাক এলেহুৱা কাউৰীৰ সাধু’,‘বেৱাৰিছ লাছ আৰু অন্য গল্প’, ‘বিহুৱতী চৰাই আৰু অন্য গল্প’আদি অন্যতম।

ইয়াৰোপৰিও, বড়ো সাহিত্যৰ বাবে নন্দেশ্বৰ দৈমাৰীলৈও সহিত্য অকাডেমি বঁটা প্ৰদান কৰা হৈছে। ‘জীউ-ছাফাৰনি দাসেন’ৰ বাবে দৈমাৰীয়ে সাহিত্য অকাডেমি বঁটা লাভ কৰিছে।