October
30
/ 2023
প্ৰাক্তন শিক্ষা মন্ত্ৰী শৰৎ বৰকটকীৰ দেহাৱসান। GMCHত ৮৮ বছৰ বয়সত শেষ নিশ্বাস ত্যাগ কৰে প্ৰাক্তন মন্ত্ৰীগৰাকীয়ে। নিশা ১.৩৬ মিনিটত স্বৰ্গগামী বৰ্ষীয়ান নেতাগৰাকী। জানিব পৰা মতে, ১৬ অক্টোবৰৰ পৰা GMCHত চিকিৎসাধীন হৈ আছিল বৰকটকী।
একেৰাহে ৬ বাৰকৈ প্ৰতিদ্বন্দ্বিতা আগবঢ়াইছিল বৰকটকীয়ে। হিতেশ্বৰ শইকীয়াৰ পৰা তৰুণ গগৈ মন্ত্ৰীসভালৈ দীঘলীয়া যাত্ৰা আছিল তেওঁৰ।
১৯৩৫ত চৰাইদেউত জন্মগ্ৰহণ কৰিছিল প্ৰাক্তন মন্ত্ৰীগৰাকীয়ে। দক্ষ ৰাজনৈতিক নেতা হিচাপে অসমৰ হৈ কৰিছিল বহু কাম। APCCৰো গুৰু দায়িত্ব গ্ৰহণ কৰিছিল শৰৎ বৰকটকীয়ে। প্ৰবীণ নেতাগৰাকীৰ মৃত্যুত ৰাজ্যজুৰি শোকৰ ছাঁ পৰিছে।