August
31
/ 2023
উদ্বোধনৰ ২৪ ঘণ্টা নৌহওঁতেই নীলাচল উৰণসেতুত অঘটন। নৱনিৰ্মিত সেতুখনত সংঘটিত হৈছে প্ৰথমটো পথ দুৰ্ঘটনা।
জানিব পৰা মতে, এখন তীব্ৰবেগী ট্ৰাকে মহতিয়াই নিয়ে উৰণ সেতুখনৰ পৰিষ্কাৰ পৰিচ্ছন্নতাৰ দায়িত্বত থকা GMCৰ চাফাইকৰ্মীৰ এখন ঠেলাক। জালুকবাৰীৰ পৰা ভৰলুমুখ অভিমুখী উৰণ সেতুখনৰ কামাখ্যা গেটৰ অংশত এই ঘটনা সংঘটিত হৈছে। দুৰ্ঘটনা সংঘটিত কৰা ট্ৰাকখনৰ নম্বৰ AS01HC2353।
আনহাতে, বাহনখনৰ খুন্দাত পৌৰ নিগমৰ কৰ্মী সামান্য পৰিমাণে আঘাতপ্ৰাপ্ত হৈছে বুলিও জানিব পৰা গৈছে।
