দুদিনীয়া ভ্ৰমণসূচীৰে অসমলৈ আহিব মোদী! প্ৰধানমন্ত্ৰী গৰাকীৰ কি কি কাৰ্য্যসূচী আছে?

নতুন বৰ্ষত প্ৰথমবাৰৰ বাবে অসমলৈ আহিব দেশৰ প্ৰধানমন্ত্ৰী মোদী। দুদিনীয়া ভ্ৰমণসূচীৰে অসমলৈ আহিব দেশৰ প্ৰধানমন্ত্ৰী নৰেন্দ্ৰ মোদী। মোদীৰ ভ্ৰমণকাৰ্য্যসূচীক লৈ ইতিমধ্যে দিল্লীত উপস্থিত হৈছে ৰাজ্যৰ মুখ্যমন্ত্ৰী হিমন্ত বিশ্ব শৰ্মা আৰু ৰাজ্যিক বিজেপিৰ সভাপতি ভৱেশ কলিতা ৷

উল্লেখ্য যে, অহা ৩ ফেব্ৰুৱাৰীত যোৰহাটৰ সুবিশাল লাচিত বৰফুকনৰ প্ৰতিমূৰ্তি মুকলি অনুষ্ঠান আৰু ৪ ফেব্ৰুৱাৰীত খানাপাৰাত অনুষ্ঠিত হ'ব এক বিশেষ ৰাজহুৱা সভা ৷ য'ত সভাত মুকলি কৰিব ৰাজ্য চৰকাৰৰ কেইবাটাও প্ৰকল্প ৷ ইয়াৰ লগতে কামাখ্যা মন্দিৰৰ কৰিড’ৰ শুভাৰম্ভ আৰু আলাবৈৰ ৰণৰ স্মৃতিত নিৰ্মাণ হৈ থকা উদ্যান মুকলি কৰিব প্ৰধানমন্ত্ৰী নৰেন্দ্ৰ মোদীয়ে ৷