বিভ্ৰান্তিকৰ বিজ্ঞাপন দি বিপদত ‘পতঞ্জলি’! যোগগুৰু ৰামদেৱৰ বিৰুদ্ধে চমন জাৰি উচ্চতম ন্যায়ালয়ৰ......
বিভ্ৰান্তিকৰ বিজ্ঞাপন দি বিপদত ‘পতঞ্জলি’। উচ্চতম ন্যায়ালয়ৰ অৱমাননাৰ জাননী দিয়াৰ পিছতো মৌনতা অৱলম্বন কৰাত যোগগুৰু ৰামদেৱক চমন জাৰি কৰা হৈছে। উচ্চতম ন্যায়ালয়ৰ ন্যায়াধীশ হিমা কোহলী আৰু এহছানুদ্দিন আমানুল্লাহৰ বিচাৰপীঠে ৰামদেৱৰ লগতে পতঞ্জলিৰ পৰিচালন সঞ্চালক আচাৰ্য বালকৃষ্ণকো আদালতত হাজিৰ হ’বলৈ নিৰ্দেশ দিছে।
উল্লেখ্য যে, ইয়াৰ পূৰ্বে চলিত বৰ্ষৰ ফ্ৰেব্ৰুৱাৰী মাহত আদালতে ‘পতঞ্জলি’ক তীব্ৰ ভর্ৎসনা কৰিছিল। পতঞ্জলিৰ সামগ্ৰী সন্দৰ্ভত আদালতত দাখিল কৰা তথ্য আৰু তেওঁলোকৰ সামগ্ৰীৰ ঔষধি কাৰ্যকাৰিতা সম্পৰ্কে দিয়া বক্তব্যৰ বাবে তীব্ৰ ভর্ৎসনা কৰা হৈছিল।