জম্মু কাশ্মীৰত ভয়ংকৰ বিস্ফোৰণ! সেনাৰ ব্যক্তিগত বাহনত সংঘটিত কৰা হয় বিস্ফোৰণ

জম্মু কাশ্মীৰৰ শ্বপিয়ানৰ চোডোত বৃহস্পতিবাৰে পুৱাই সংঘটিত হয় এক ভয়ংকৰ বিস্ফোৰণ। বিস্ফোৰণত আহত হয় তিনিগৰাকীকৈ সেনা জোৱান। সেনাৰ ব্যক্তিগত বাহনত বিস্ফোৰণটো সংঘটিত হয় বুলি জানিব পৰা গৈছে।

আৰক্ষী মহাপৰিদৰ্শকে জনোৱা মতে আহত জোৱান কেইজনক বৰ্তমানে চিকিৎসালয়লৈ প্ৰেৰণ কৰা হৈছে। আইইডি বা গ্ৰেনেডৰ ফলত এই বিস্ফোৰণটো সংঘটিত হোৱা বুলি সন্দেহ কৰিছে আৰক্ষীয়ে। বিস্ফোৰণক লৈ ইতিমধ্যে আৰক্ষীয়ে অনুসন্ধান আৰম্ভ কৰিছে। এই ঘটনাৰ লগত কোনো সন্ত্ৰাসবাদী জড়িত আছে নেকি সেই বিষয়েও অনুসন্ধান আৰম্ভ কৰা হৈছে।

উল্লেখ্য যে, জম্মু-কাশ্মীৰ অঞ্চলত সন্ত্ৰাসবাদীৰ কাৰ্যকলাপ অব্যাহত আছে। বহু স্থানত সন্ত্ৰাসবাদীৰ বিৰুদ্ধে নিৰাপত্তা বাহিনীৰ এনকাউণ্টাৰ অব্যাহত ৰাখিছে। ৰাজ্যখনৰ বিভিন্ন অঞ্চলটোত কেইবাটাও সংঘৰ্ষৰ ঘটনা সংঘটিত হোৱা দেখা গৈছে।