ৰেগিংৰ বাবে ডিব্ৰুগড় বিশ্ববিদ্যালয়ৰ ২ জন শিক্ষাৰ্থীক নিলম্বন

ডিব্ৰুগড় বিশ্ববিদ্যালয়ৰ দুজন শিক্ষাৰ্থীক কৰ্তৃপক্ষই ৰেগিং কৰাৰ বাবে দোষী সাব্যস্ত কৰাৰ পিছত মহাবিদ্যালয়ৰ পৰা নিলম্বিত কৰা হৈছে।

নিলম্বিত শিক্ষাৰ্থী দুজন ৰিতুপৰ্ণ দাস আৰু কিংকু চাইকিয়া। তেওঁলোক দুয়োজনে ডিব্ৰুগড় বিশ্ববিদ্যালয় অভিযান্ত্ৰিক আৰু জ্ঞান প্ৰতিষ্ঠানৰ (ডিইউআইইটি) মেকানিকেল ইঞ্জিনিয়াৰিং বিভাগৰ পঞ্চম ছেমিষ্টাৰত অধ্যয়ন কৰি আছিল।

গুৰুপ্ৰসাদ দাস ছাত্ৰ নিৱাসত এজন কনিষ্ঠ ছাত্ৰক ৰেগিং কৰাৰ অভিযোগত দুয়োজন অভিযুক্তক দুবছৰৰ বাবে নিলম্বিত কৰা হৈছে। তেওঁলোকে হোষ্টেল চৌহদত কনিষ্ঠজনক শাৰীৰিকভাৱে হাৰাশাস্তি কৰিছিল।

ভুক্তভোগীয়ে পিছত ঘটনাটোৰ সন্দৰ্ভত কৰ্তৃপক্ষক অৱগত কৰিছিল যাৰ পিছত অভিযুক্ত ছাত্ৰ দুজনক নিলম্বিত কৰা হৈছে।

আনহাতে ২০২১-২০২২ বৰ্ষৰ বিশ্ববিদ্যালয় নিৰ্বাচনত এএএছইউৰ পৰা ৰিতুপৰ্ণ দাস সহকাৰী সাধাৰণ সম্পাদক হিচাপে নিৰ্বাচিত হৈছিল।