সুখবৰ! ডিচেম্বৰত বজাৰত আহি আছে ৱৰ্ল্ডছ ফাৰ্ষ্ট ইউনিচেক্স কন্ডম

কন্ডমৰ পৃথিৱীত এক নতুন তাৰতম্য আনি, মালয়েছিয়াৰ এগৰাকী স্ত্ৰীৰোগ বিশেষজ্ঞই বিশ্বৰ প্ৰথম ইউনিচেক্স কন্ডম সৃষ্টি কৰিছে, যি অতি সোনকালেই আন্তৰ্জাতিক বজাৰত উপলদ্ধ হ'ব।

খবৰ অনুসৰি, চিকিৎসা যোগান প্ৰতিষ্ঠান টুইন কেটালিষ্টত কাম কৰা জন টাং ইং চিন নামৰ স্ত্ৰীৰোগ বিশেষজ্ঞজনে ৱাণ্ডালিফ ইউনিচেক্স কন্ডম উদ্ভাৱন কৰিছিল। 

প্ৰতিবেদন অনুসৰি, কন্ডমটো পলিইউৰেথেনেৰে তৈয়াৰ কৰা হৈছে, এক স্বচ্ছ সামগ্ৰী যি একে সময়তে শক্তিশালী আৰু জলৰোধী আৰু লগতে নমনীয় আৰু ক্ষীণ।

জন টাং ইং চিনে ৰয়টাৰক কৈছিল, "এইটো মূলতঃ এটা নিয়মীয়া কন্ডম য'ত আঠা লগা আৱৰণ আছে। ই যোনি বা লিঙ্গৰ সৈতে সংলগ্ন হয়, লগতে অতিৰিক্ত সুৰক্ষাৰ বাবে ওচৰৰ এলেকাটো আৱৰি ৰাখে।"

"আমি কৰা নিদানিক পৰীক্ষণৰ সংখ্যাৰ ওপৰত আধাৰিত কৰি, মই যথেষ্ট আশাবাদী যে ই অনিচ্ছাকৃত গৰ্ভধাৰণ আৰু যৌন সংক্ৰমিত ৰোগ প্ৰতিৰোধত ব্যৱহৃত বহুতো গৰ্ভনিৰোধক পদ্ধতিত এক অৰ্থপূৰ্ণ সংযোজন হ'ব।" টাঙে যোগ দি কয়।

তদুপৰি, চিনে দাবী কৰিছিল যে এই কন্ডমে যৌন সংক্ৰমিত ৰোগ আৰু দুৰ্ঘটনাজনিত গৰ্ভধাৰণ হ্ৰাস কৰিব।

মনকৰিবলগীয়া যে, কন্ডমটো ১৪.৯৯ মালয়েচিয়ান ৰিংগিত মূল্যৰ সৈতে দুটা ইউনিচেক্স কন্ডমৰ বাকচত বিক্ৰী কৰা হ'ব।

ইতিমধ্যে, ইউনিচেক্স কন্ডমবোৰে নিদানিক গৱেষণা আৰু পৰীক্ষাৰ কেইবাটাও পৰ্যায় অতিক্ৰম কৰিছে আৰু ডিচেম্বৰৰ ভিতৰত বজাৰত উপলব্ধ হ'ব বুলি জানিবলৈ দিছে।