ব্ৰিটেইনৰ পৰা অসমলৈ অনা হ’ব বৃন্দাবনী বস্ত্ৰ

ব্ৰিটেইনৰ পৰা অসমলৈ অনা হ’ব বৃন্দাবনী বস্ত্ৰ। ২০২৭ চনত অসমলৈ অনা হ’ব বৃন্দাবনী বস্ত্ৰ। ১৮ মাহৰ বাবে অসমতে ৰখা হ’ব বৃন্দাবনী বস্ত্ৰ। আজি মুখ্যমন্ত্ৰী ডঃ হিমন্ত বিশ্ব শৰ্মাই লোকসেৱা ভৱনত সংবাদমেল সম্বোধন কৰি এই কথা ঘোষণা কৰে।

মুখ্যমন্ত্ৰীগৰাকীয়ে কয় যে ‘‘ব্ৰিটেইনৰ তিনিটা সংগ্ৰহালয়ত আছে বৃন্দাবনী বস্ত্ৰ। অসম চৰকাৰে বৃন্দাবনী বস্ত্ৰ অসমলৈ অনাৰ চেষ্টা কৰিছে। অসমত বৃন্দাবনী বস্ত্ৰৰ বাবে মিউজিয়াম নিৰ্মাণ কৰা হ’ব। খানাপাৰাত এবিঘা ভূমিত এই মিউজিয়াম নিৰ্মাণ কৰা হ’ব। ডিজিটেল মাধ্যমৰ যোগেদি কলাক্ষেত্ৰত চাব পাৰিব বৃন্দাবনী বস্ত্ৰ। অসমত মিউজিয়াম নিৰ্মাণৰ দায়িত্ব ল’ব JSW গ্ৰুপে।’’

এই সন্দৰ্ভত আলোচনা কৰিবলৈ অক্টোবৰত লণ্ডনলৈ যাব মুখ্যমন্ত্ৰী ডঃ হিমন্ত বিশ্ব শর্মা। ব্ৰিটিছ মিউজিয়ামৰ পৰা মুখ্যমন্ত্ৰীলৈ পত্ৰ প্ৰেৰণ কৰিছে। ইয়াৰ বাবে বান্ধি দিছে কেইবাটাও পৰামৰ্শ।

মুখ্যমন্ত্ৰীয়ে কয় যে কিছুমান নিয়মৰ মাজৰে আনিব পাৰিব বৃন্দাবনী বস্ত্ৰ। মুখ্যমন্ত্ৰীয়ে কয় যে ভাৰত চৰকাৰ বৈদেশিক মন্ত্ৰালয়লৈ পুনৰ ঘূৰাই অনাৰ বাবে পত্ৰ লিখা হৈছে