সাৱধান! ঘৰতে বহি উপাৰ্জন কৰা বিজ্ঞাপনৰ বলি হ’ব পাৰে আপুনিও.....

টকা কাক নালাগে? কোনেনো সহজতে উপাৰ্জন কৰি ধনী ব্যক্তি হ'ব লৈ মন নকৰে। আধুনিক সমাজত টকাই সকলো বুলি ক'লেও ভুল কোৱা নহ'ব। 

গতিকে, তাৰে সুবিধা লৈ একাংশই ভুৱা বিজ্ঞাপন প্ৰচাৰ কৰে। এতিয়া সকলোৱে সাৱধান হোৱাৰ সময়। ছ’চিয়েল মিডিয়াত ভাইৰেল হৈ পৰা ঘৰৰ পৰা ধন উপাৰ্জন কৰাৰ বিজ্ঞাপনৰ বলি হ’ব আপুনি!

উল্লেখ্য যে, চাইবাৰ অপৰাধীয়ে নতুন ধৰণেৰে জালিয়াতিৰ ফান্দ পাতিছে। আগ্ৰাৰ এগৰাকী চফটৱেৰ ইঞ্জিনিয়াৰ ছোৱালীৰ লগত সংঘটিত এক ঘটনা। ছোৱালীজনীয়ে ঘৰত বহি টকা উপাৰ্জনৰ বাবে ইনষ্টাগ্ৰামত এটা বিজ্ঞাপন দেখিছিল। বিজ্ঞাপনটো দেখি টেলিগ্ৰামৰ এটা গ্ৰুপত যোগদান কৰিছিল তাই। এটা ভুৱা পৰ্টেলত তাইৰ সকলো তথ্য দিয়া হৈছিল। 

তাৰ পিছত লাহে লাহে ৬.২২ লাখ টকা প্ৰতাৰণা কৰা হ’ল। ইতিমধ্যেই চাইবাৰ আৰক্ষী থানাত এজাহাৰ দাখিল কৰিছে ভুক্তভোগীয়ে। ছাহগঞ্জৰ ভগৱান কলনীৰ নিবাসী ৰাশি তিৱাৰীয়ে চাইবাৰ আৰক্ষী থানাত অভিযোগ দাখিল কৰিছে। ৰাজস্থানত কাম কৰে ৰাশি তিৱাৰী। শেহতীয়াকৈ ঘৰলৈ আহিছিল তাইৰ। 

তাই আৰক্ষীক জনোৱা মতে, ৯ মে’ত ইনষ্টাগ্ৰামত এটা বিজ্ঞাপন দেখিছিল তাই। ঘৰত বহি টকা উপাৰ্জনৰ কথা লিখিলে। বিজ্ঞাপনটোত ক্লিক কৰিলেই তাই টেলিগ্ৰামৰ এটা গ্ৰুপত যোগদান কৰিলে। গ্ৰুপত কোৱা হৈছিল যে ভিডিঅ’ লাইক আৰু শ্বেয়াৰ কৰি টকা উপাৰ্জন কৰিব পাৰি। চেষ্টা কৰাৰ কথা ভাবিলে। ভিডিঅ' প্ৰেৰণ কৰা হ'ল তাইক। লাইক আৰু কমেন্ট কৰা হ'ল। তাই অবিৰতভাৱে নতুন নতুন গোটৰ সৈতে জড়িত হৈ আছিল।