October
14
/ 2023
পিতৃপক্ষ সমাপ্তৰ পিছতে আৰম্ভ হ'ব দেৱীপক্ষ। আহিন মাহৰ শুক্লপক্ষৰ প্ৰতিপদ তিথিৰ পৰা আৰম্ভ হ'ব শাৰদীয় নৱৰাত্ৰী। লোক বিশ্বাস অনুসৰি, এই সময়চোৱাত স্বৰ্গৰ পৰা মৰ্ত্যলোকলৈ আগমন হয় মা দুৰ্গাৰ। দুর্গতিনাশিনী দুর্গাক আদৰিবলৈ সাজু হৈছে সকলো। চলিত বৰ্ষৰ ১৫ অক্টোবৰৰ পৰা নৱৰাত্ৰীৰ আৰম্ভ হ'ব আৰু অন্ত পৰিব ২৪ অক্টোবৰত। নৱৰাত্ৰীৰ ৯ দিনত দেৱী দুৰ্গাৰ ৯ ৰূপৰ উপাসনা কৰা হয়।
উল্লেখ্য যে, হিন্দু দেৱী দুৰ্গাৰ আৰাধনাকে কেন্দ্ৰ কৰি অনুষ্ঠিত হয় হিন্দু সম্প্ৰদায়ৰ বৃহত্তম ধৰ্মীয় আৰু সামাজিক উৎসৱ দুৰ্গা পূজা বা দুৰ্গোৎসৱ । দুৰ্গোৎসৱক সাধাৰণতে নৱৰাত্ৰি বুলিও জনা যায় ৷
